Narahat olmaq əvəzinə, dindarlar Rəbbə güvənsinlər və görəcəklər ki, şərlər «tezliklə kəsiləcək», güvənənlər isə torpaqda yaşayacaq və qidalanacaqlar.
Şərlərə görə narahat olmaq əvəzinə, imanlı Rəbbdə sevinməli və o, razı qalacaq.
Şərlərin rifahı səbəbindən büdrəmək və doğru yoldan dönmək əvəzinə, dindarlar öz yollarını Rəbbə həvalə etsinlər. Hazırda nə qədər çətin olsa da, Rəbb dindarları yolda saxlayacaq və yolda qalanların salehliyini aşkar edəcək.
Hazırda şər adamın öz yolunda çiçəklənməsi səbəbindən səbirsiz olmaq əvəzinə, ruh Rəbbdə rahatlıq tapsın və Onu səbirlə gözləsin. Rəbbdə rahatlıq tapan ruh, şərlərin istəklərinin həyata keçdiyini görəndə qəzəb və hiddətdən qorunur. Narahat olmaq yalnız ruhu pisliyə aparardı. Rəbbin öz vaxtında, şərlər kəsiləcək və Rəbbi gözləyənlər torpağı miras alacaqlar.
Üstəlik, səbir uzun müddət tələb olunmayacaq; bir azdan şərlər keçib gedəcək və mülayimlər xeyir-dua ilə möhkəmlənəcəklər. Şərlərin rifahı ilə həddindən artıq məşğul olarsaq, narahat ola, qəzəblənə və səbirsizləşə bilərik; lakin Rəbb salehlərə qarşı sui-qəsd quran şərləri lağa qoyur, çünki Rəbb görür ki, onların günü gəlir ki, Allahın idarəçiliyində şərlər salehlərə qarşı istifadə etdikləri şiddətlə yıxılacaqlar.
