Yeşayanın Müjdəsi

Aprel 2009 –Lütf və Həqiqət Jurnalı

Yeşayanın Müjdəsi

Bir səhər çöldə oturub küləyin qara fırtına buludlarını süpürüb aparmasını, mavi səma və günəş işığının görünməsini seyr edirdim. Bu mənə hamımızın həyatımızda eyni şeyin baş verməsini arzuladığımızı xatırlatdı. Sonra peyğəmbər Yeşayanın Allahdan gələn bu müjdəsini düşündüm: “Mən sənin günahlarını bulud kimi, səhvlərini səhər dumanı kimi süpürüb apardım. Mənə qayıt, çünki səni qurtardım” (Yeşaya 44:22NIV ).

Özümüzə qarşı dürüst olsaq, günahlarımızın həyatımızda narahatlıq yaradan qara bulud kimi olduğunu etiraf edərik. Yeşaya bizə günahlarımızın Allahı da narahat etdiyini deyir: “Sən Məni günahlarınla yüklədin, səhvlərinlə yordun” (Yeşaya 43:24). Müqəddəs Kitab deyir ki, günahlarımıza görə cəza və ölümə layiqik (Rom. 6:23). Lakin Allah bizi sevdiyi üçün günahlarımızı süpürüb aparır və bizə yeni həyat hədiyyəsini verir: “Mən sənin günahlarını silənəm... və günahlarını bir daha xatırlamayanam” (Yeşaya 43:25).

Allah bunu necə edir? Yeganə Oğlunu günahlarımız üçün çarmıxda ölməyə verərək: “Biz hələ günahkar ikən, Məsih bizim üçün öldü” (Rom. 5:8). Onun tökülən qanı bütün günahlarımızı süpürüb aparır, həyatımızı yalnız Onun sevgisinin işığı ilə doldurur: “Oğlunun, İsanın qanı bizi bütün günahlardan təmizləyir” (1 Yəh. 1:7). Allah həyatımızdan günah buludunu süpürüb apardıqda, bizi Ona qayıtmağa dəvət edir və bunun niyə mümkün olduğunu deyir: “Mənə qayıt, çünki səni qurtardım” (Yeşaya 44:22).

Peyğəmbər Yeşayanın müjdəsinə qulaq asıb, Allahın həyatınızdan günahın qara buludunu götürməsinə icazə verəcəksinizmi? Onun Oğlunun itirilmiş və qaranlıq vəziyyətinizdən sizi qurtarmaq üçün göndərilmiş dünyanın İşığı olduğunu qəbul edəcəksinizmi? İndi Ona dönüb İsanın qanının günahlarınızı yumasını istəyəcəksinizmi ki, əbədi həyatdan zövq alasınız?

Bu ayınXüsusiməqalələrini oxuyun ki, Əhdi-Ətiqdə Yeşaya tərəfindən peyğəmbərlik edilən qurtuluş müjdəsi haqqında daha çox öyrənəsiniz.

Larry Ondrejack tərəfindən