Adəm və Həvva və İtirilmiş Cənnət

Yanvar 2010 –Lütf və Həqiqət Jurnalı

Adəm və Həvva və İtirilmiş Cənnət

İl 2008 idi.“Son on il yer kürəsinin tarixində ən isti illər olub,” deyə ətraf mühit mühafizəçisi yer kürəsinin davamlı gələcəyi üzrə milli konfransda bildirdi. “Bu dramatik dəyişiklik bir səbəbdən irəli gəlir – insanın təbii sərvətləri ehtiyatsız istehlak etməsi.” Kədərli həqiqət budur ki, insan özü üçün həyatı daha rahat etmək cəhdlərində yer kürəsinin sərvətlərindən ən çirkləndirici şəkildə sui-istifadə edib.

Bu mütəxəssis sözünə davam edərək dedi: “Bu artıq bərpa məsələsi deyil, yalnız müvəqqəti təmir məsələsidir. Biz bağdakı Adəm və Həvva günlərinə qayıda bilmərik; biz yalnız günahımızı xatırlaya bilərik. Cənnət itirilib və qiyamət yaxınlaşıb.” Sonra dedi: “Edə biləcəyimiz tək şey, sona qədər bizə bir az daha vaxt verəcək alternativ “yaşıl” həyat tərzini qəbul etməkdir.”

Mesajını dəstəkləmək üçün istifadə olunan statistikaları qiymətləndirsəm də, məni ən çox təsirləndirən bu natiqin “Adəm və Həvva,” “itirilmiş cənnət,” “günahımız” və “qiyamət”ə istinadları oldu. Əgər onun mövzusu yer kürəsinin davamlı gələcəyi idisə, o, auditoriyasına uzun müddət heç nəyi davam etdirmək üçün çox ümid vermədi.

Yaxın gələcək qaranlıq görünür.Ətraf mühit mühafizəçiləri “günahımızın” getdikcə artan qlobal istiləşməyə səbəb olduğunu görürlər, lakin Xristianlar insanın günahını “böyük sıxıntı” (Mat. 24:21) dövrünə aparan bir şey kimi görürlər və Məsihdən başqa cənnətə yaxın bir şeyi belə geri qaytarmaq üçün bizə heç bir ümid yoxdur.

Lakin dünyəvi cənnətdən qat-qat yaxşı bir şey əldə etmək mümkündür. Məsih vasitəsilə biz günahın, əzabın və ölümün qlobal çirklənməsi üzərində əbədi qələbəyə aparan xilas əldə edə bilərik: “Çünki Allah dünyanı o qədər sevdi ki, Öz yeganə Oğlunu verdi ki, Ona iman edən hər kəs həlak olmasın, əbədi həyata malik olsun” (Yəh. 3:16).

Bu ətraf mühit mühafizəçisi bizə “yaşıl” həyat tərzinin “sona qədər bir az daha vaxt” verəcəyini söyləsə də, Müqəddəs Kitab bizə “Məsihlə” həyatın səmada əbədiyyət verəcəyini söyləyir, “bu isə qat-qat yaxşıdır” (Fil. 1:23).

Larry Ondrejack tərəfindən