Bir Zəburun Təsiri

May 2009 –Lütf və Həqiqət Jurnalı

Bir Zəburun Təsiri

Bir Amerika prezidentinin,bir astronavtın və bir okeanoqrafın ortaq cəhəti nədir?

Zəbur 8 üzərində düşündükdən sonra, Prezident Abraham Linkolnun belə dediyi bildirilir: “Mən başa düşürəm ki, bir insanın yerə baxıb ateist olması mümkündür, lakin o, göylərə baxıb Allah yoxdur deməsini təsəvvür edə bilmirəm.” Linkoln bütün Müqəddəs Kitabı yaxşı bilirdi və həm ictimai, həm də şəxsi şərhlərində tez-tez yaddaşından sitat gətirirdi. Lakin Ağ Evin tibb bacısı Rebekka Pomroya görə, onun sevimli kitabı Zəbur idi. O, qadına dedi: “Zəbur ən yaxşısıdır, çünki mən onlarda həftənin hər günü üçün bir şey tapıram.”

Apollon 11 1969-cu ildəayın uğurlu missiyasından qayıdarkən, Nobel mükafatı laureatı fizik Ouen Çemberleyn dedi: “Bu, bəşəriyyətin öz taleyinin sahibi ola biləcəyini göstərir.” Ayda gəzən astronavt “Bazz” Aldrin, Zəbur 8:3-4-dən sitat gətirərək bu missiyaya Müqəddəs Kitab perspektivi verdi: “Sənin göylərinə, barmaqlarının işlərinə, ay və ulduzlara baxanda, hansıları ki, Sən təyin etmisən, insan nədir ki, onu xatırlayırsan?” O, kainatı kimin idarə etdiyini və bizim orada yerimizin nə olduğunu başa düşdü. Bu gün heç kim Çemberleynin sözlərini xatırlamır. Hər kəs Aldrinin sözlərini xatırlayır.

1850-ci illərdə, Amerika Birləşmiş Ştatları Hərbi Dəniz Qüvvələrinin zabiti Metyu Mori “dəniz yolları” (Zəb. 8:8) ifadəsindən o qədər təsirləndi ki, okeanlarda axan bir çox cərəyanların və ya “çayların” geniş tədqiqatına və xəritələşdirilməsinə başladı. O, okeanoqrafiya haqqında ilk kitabı yazdı və “dənizlərin yolgöstərəni” və “müasir okean naviqasiyasının atası” kimi tanındı. Onun kəşfi nəinki okean naviqasiyasında inqilab etdi, həm də okean balıqçılığını xeyli yaxşılaşdırdı, çünki Zəbur 8:8 həm də “balıqlar... dəniz yollarında üzən hər şey”ə istinad edir.

Bunlar Allahın Kəlamınınonu oxuyanların həyatına necə təsir etdiyinə dair yalnız üç nümunədir. Ümid edirəm ki, bu ayınİbadətvəXüsusiməqalələri sizi Rəbbimizə daha dərin bir minnətdarlığa aparacaq.

Larri Ondrecak tərəfindən