Koloslulara Şükran

Noyabr 2011 –Lütf və Həqiqət Jurnalı

Koloslulara Şükran

“Buna görə də Rəbb İsa Məsihi qəbul etdiyiniz kimi, Ondan kök alıb Ondan tikilərək və öyrədildiyiniz kimi imanda möhkəmlənərək, şükranla dolub-daşaraq Ondan irəliləyin.” — Koloslulara 2:6-7NKJV

Maddi şeylərə gəldikdə,bütün insanların şükür edəcək bir şeyləri var. Lakin bütün maddi nemətlərimiz sayıldıqdan sonra, Məsihçilər Məsihi tanımayanların bilmədiyi, əvəzsiz, hesaba gəlməyən və əbədi nemətləri saymağa davam edə bilərlər. Yuxarıdakı ayə onlardan bəzilərini xatırladır.

Əvvəla və hər şeydən əvvəl,gəlin “Məsihi qəbul etdiyimizə” görə şükür edək. Allahın əbədi Oğlu bizə verildi (Yeşaya 9:6) və lütf ilə Onu qəbul etdik (Efeslilərə 2:8). O, hamı üçün fidyə olaraq verilsə də (1 Timoteyə 2:6), bəziləri Onu rədd edir. Lakin biz rədd etmədik, çünki O, bizi dünyanın təməli qoyulmazdan əvvəl seçmişdir (Efeslilərə 1:4).

İkincisi,qəbul etdiyimiz O Kəs həm də “Rəbb İsadır.” Biz Onun həm Xilaskarımız, həm də Rəbbimiz olduğuna görə şükür edə bilərik. Bizi cəhənnəm çuxurundan xilas edən O Kəs bizi həm də padşahlar və kahinlər, səmanın vətəndaşları etmişdir (Vəhy 1:6; Filipililərə 3:20). Üçüncüsü, “Ondan kök alıb Ondan tikildiyimizə” görə gücümüzün və irəliləyəcəyimiz istiqamətin hamısının Ondan gəldiyinə görə şükür edə bilərik.

Nəhayət,biz “şükranla dolub-daşa” bilərik, çünki xilasımızın sarsılmaz, tərpənməz və əbədi olduğuna, möhkəm təməl üzərində qurulduğuna əminik (2 Timoteyə 2:19, 1 Korinflilərə 3:11). Şükür etməyə gəldikdə, biz bütün insanlarla birlikdə yalnız maddi nemətlərimizi sayırıq, yoxsa Pavel ilə birlikdə Məsihdə olan nemətlərlə müqayisədə hər şeyi zərər sayırıq (Filipililərə 3:7-8)?

Larry Ondrejack tərəfindən