Çimərlikdə parlaq və küləkli bir gün idi. Mən qumda ətrafımda oturan bir neçə oğlan və qıza İsa haqqında danışırdım.
Nelli adlı kiçik bir qız məndən soruşdu: “Xilas olmaq nə deməkdir? Bu, xilasedicilərin etdiyi şey deyilmi? İsa necə xilas edir?”
“Sənə İsanın xilas etdiyini kim dedi?” soruşdum.
“Kilsədə bir adam mənə dedi. Dedi ki, mən xilas olmalıyam.”
“Yəqin ki, səni itmiş hesab edib, Nelli. İndi itmisənmi?” soruşdum.
“Mən itməmişəm,” o tez cavab verdi. “Qardaşımı və anamı elə orda görürəm.”
“Qardaşın və anan üçün itməmiş ola bilərsən, amma günah üzündən Allah və cənnət üçün itmisən. Günahın nə olduğunu bilirsənmi?”
“Günah pis sözlər işlətdiyim, qardaşımla dalaşdığım, anama itaətsizlik etdiyim və yalan danışdığım zamandır.”
“Nelli, Allah günaha nifrət edir. Günah bizi cənnətdən uzaq saxlayan şeydir. Günah üzündən biz itmişik. Amma Allah bizi o qədər sevir ki, bizi günahlarımızdan xilas etmək üçün Oğlu İsanı göndərdi. Nelli, xilasedici insanları nə vaxt xilas edir?”
“Boğulanda və özlərini xilas edə bilməyəndə,” o əminliklə dedi.
“İndi, həqiqətən yaxşı düşün. Mənə de ki, İsanın bizi nə vaxt xilas etməsinə ehtiyacımız var,” soruşdum.
“Bilmirəm. Anam mənə heç vaxt deməyib.”
“Günahlarımızda itdiyimiz zaman,” izah etdim. “İsa Məsih Allahın Oğludur. O, hər şeyi – bu okeanı, bu qumu, səmanı, bu dəniz qabıqlarını, hətta səni və məni yaratdı. Uzun illər əvvəl, O, bizim günahlarımız üçün ölmək üçün cənnətdən yerə endi. Çox gənc olsan da, sən bir günahkarsan. Özünü günahdan xilas edə bilərsənmi?”
Kədərlə cavab verdi: “Yaxşı olmağa çalışıram, amma uzun sürmür. Yəqin ki, edə bilmərəm.”
“Haqlısan,” dedim ona. “Heç birimiz edə bilmərik. Müqəddəs Kitab deyir ki, ‘hamı günah etdi və Allahın izzətindən məhrum oldu’ (Romalılara 3:23). Amma o da bizə deyir ki, ‘biz hələ günahkar ikən, Məsih bizim üçün öldü’ (Romalılara 5:8). O, bizi bu qədər sevir!”
Qabaran dənizin qum qəsrlərimizi yuyub aparana qədər fərqinə varmadıq. Böyük bir qayanın təhlükəsizliyinə keçərkən dedim: “Bu möhkəm qaya üzərində biz təhlükəsizik. İsa Müqəddəs Kitabda möhkəm qaya adlandırılır (Matta 7:24-27). Nelli, əmin ol ki, Onun üzərində durursan, yoxsa mütləq itəcəksən.”
“Ona güvənəcəyəm!” Nelli söz verdi.
Bəs siz? Günahın nə olduğunu bilirsinizmi? Xilas olmağın nə demək olduğunu bilirsinizmi? İsa sizin Xilaskarınızdırmı? Onu möhkəm qayanız olaraq qəbul edirsinizmi? O, əbədi təhlükəsizliyə aparan yeganə yoldur.
