Allahla Düzgün Münasibət Qurmaq

Allahla Düzgün Münasibət Qurmaq Yalnız bir günah Adəm və Həvvanı Eden bağından qovdu. Əgər bir günah dünyəvi cənnətin itirilməsinə səbəb oldusa, bir günahın bizi Allahın səmavi cənnətindən kənarlaşdırması bizi təəccübləndirməməlidir. Düzünü desək, biz təkcə bir günahla deyil, dağlar qədər günahla günahkarıq: fikir, söz və əməl günahları; məlum və çoxdan unudulmuş günahlar; gizli günahlar və açıq günahlar. Günah bizi cənnətdən kənarlaşdırdığına görə, günahlarımızdan necə qurtula və Allahla düzgün münasibət qura bilərik? Günahlarımızın əvəzini dualarla, qurbanlarla və ya kədər ifadələri ilə ödəyə bilərikmi? Dua vacibdir, lakin təkbaşına bizi Allahla düzgün münasibətə gətirməyəcək. Nə qurbanlar, nə də kədər. Biz dua edərək, satın alaraq və ya ağlayaraq cənnətə düşə bilmərik! Allaha görə, günahlarımız yalnız Xilaskar İsanın qanına güvəndiyimiz zaman bağışlana bilər ki, bu da günahlarımızın əvəzini əbədi olaraq ödəyir: “Ona iman edən hər kəs günahların bağışlanmasını alacaq” (Həvarilərin İşləri 10:43). Allahın bizim vəziyyətimiz və onun nəticələri haqqında nə dediyinə qulaq asın: “Hamı günah işləmiş və Allahın izzətindən məhrum olmuşdur;” və “Günahın əvəzi ölümdür” (Romalılara 3:23; 6:23). Allah bizim nə qədər günahkar olduğumuzu bilir, lakin bizi sevdiyi üçün hər birimiz üçün “Məsih İsada olan qurtuluş vasitəsilə… Onun qanı ilə” xilas təmin etmişdir (Romalılara 3:24-5). Allah istəyir ki, siz günahlarınızın bağışlanmasını qəbul edəsiniz, Məsihin çarmıxdakı bitmiş işinə arxalanasınız və Onunla cənnətdə olacağınızı bilməkdən sevinəsiniz (Luka 23:43; Yəhya 14:3). Bu gün Onunla düzgün münasibət qurmayacaqsınızmı? İncil ayələri The New King James Version, © 1982, Thomas Nelson, Inc. İcazə ilə.