Lakin imansız Onu razı salmaq qeyri-mümkündür; çünki Allaha yaxınlaşan inanmalıdır ki, O var və Onu səylə axtaranları mükafatlandırır (İbranilərə 11:6).
Məşhur missioner Con Paton Yeni Hebrid adalarında Yeni Əhdi bir dilə tərcümə edərkən, “iman” və “inanmaq” üçün yerli sözlər tapmaqda çətinlik çəkirdi. Bir gün onun yerli müəllimlərindən biri evə yorğun və tərləmiş gəldi və istirahət etmək üçün bir kürsüyə yıxılaraq, “bütün ağırlığımı buraya həvalə edirəm” mənasını verən bir söz işlətdi. Con Paton dərhal “iman” üçün doğru sözü tapdığını anladı.
Ada sakinləri üçün “iman” indi “bütün varlıqlarını Allahın Kəlamına həvalə etmək” demək olacaqdı. Görəsən, hamımız Rəbbə iman edirikmi? Bütün varlığınızı Məsihə həvalə edirsinizmi? “Allaha güvənmək” və ya “Allaha iman etmək” budur. İbranilərə 11 iman haqqında bütöv bir fəsildir. Niyə onu oxuyub Əhdi-Ətiq müqəddəslərinin necə iman etdiyini görməyəsiniz?
İman isə ümid edilənlərin əsası, görünməyənlərin sübutudur (İbranilərə 11:1).
