24 aprel 2023, bazar ertəsi

Ey xalq, hər zaman Ona arxalan, Onun hüzurunda qəlbini açıb-boşalt, Çünki Allah bizim pənahımızdır! Sela

ZƏBUR 62:8

Davudun ürəyi çox sıxılırdı, çünki xalq «onu daşlayaq» deyirdi. Ona görə ki camaatın hər birinin oğul və qızından ötrü canı yanırdı. Lakin Davud Allahı Rəbdən qüvvət aldı.

BİRİNCİ ŞAMUEL 30:6

Bir gün Yusif qardaşlarına dedi: «Mən ölürəm, amma Allah mütləq sizə nəzər salacaq. O sizi bu ölkədən İbrahimə, İshaqa və Yaquba and içdiyi torpağa aparacaq».

YARADILIŞ 50:24

Həqiqətən, Mən Misirdə olan xalqımın əziyyətini gördüm, fəryadlarını eşitdim və onları qurtarmaq üçün endim. İndi get, Mən səni Misirə göndərirəm”.

HƏVARİLƏRİN İŞLƏRİ 7:34

O, xalqı Misirdən çıxaran, həm orada, həm Qırmızı dənizdə, həm də qırx il ərzində səhrada xariqə və əlamətlər yaradan insan idi.

HƏVARİLƏRİN İŞLƏRİ 7:36

Rəbbin İsrail nəslinə söylədiyi bütün yaxşı sözlərdən heç biri boşa çıxmadı, hamısı yerinə yetdi.

YEŞUA 21:45

Ümid verən əqidədən möhkəm tutaq, çünki vəd verən Allah sadiqdir.

İBRANİLƏRƏ 10:23

Allah insan deyil ki, Yalan söyləsin, Bəşər oğlu deyil ki, Fikrini dəyişdirsin. Dediyini həyata keçirməzmi? Verdiyi sözü yerinə yetirməzmi?

SAYLAR 23:19

Yer və göy keçib gedəcək, amma Mənim sözlərim əsla keçib getməyəcək.

MATTA 24:35

Ot quruyar, çiçək solar, Amma Allahımızın sözü əbədi qalar».

YEŞAYA 40:8