24 sentyabr 2023, bazar

Ya Rəbb, məskənin olan evi, Calalının sakin olduğu yeri sevirəm.

ZƏBUR 26:8

Sənin həyətində keçən bir günüm Başqa yerdə keçən min günümdən yaxşıdır. Allahımın evinin keşiyində dayanmağım Pislərin çadırında rahat ömür sürməkdən yaxşıdır.

ZƏBUR 84:10

Nə bəxtiyardır evinin həyətlərində yaşayan, Seçib Özünə yaxın etdiyin insan! Biz Sənin evinin, müqəddəs məbədinin Nemətləri ilə doyacağıq!

ZƏBUR 65:4

Rəbb Ona güvənənlərə, Onu axtaran könüllərə xeyirxahdır.

MƏRSİYƏLƏR 3:25

Amma Rəbb sizə lütf göstərmək üçün gözləyir, Yenə də sizə rəhm etməyə hazırdır, Çünki Rəbb adil Allahdır, Onu intizarla gözləyənlər nə bəxtiyardır!

YEŞAYA 30:18

Beləliklə, ey qardaşlar, İsanın qanı sayəsində Ən Müqəddəs yerə daxil olmağa cəsarətimiz çatır. O bizə pərdədən, yəni Öz cismindən keçən yeni və canlı bir yol açmışdır.

İBRANİLƏRƏ 10:19-20

Ona görə ürəklərimiz pis vicdandan paklanmış, bədənlərimiz də təmiz su ilə yuyulmuş halda imanın tam etimadı ilə, səmimi qəlblə Allaha yaxınlaşaq.

İBRANİLƏRƏ 10:22