11 mart 2024, bazar ertəsi

Adamlar ona həqarətlə baxıb rədd etdi. O, dərdli, xəstəlikləri görən insan idi, Adamlar ondan üz döndərdi, xor baxdı. Biz ona qiymət vermədik.

YEŞAYA 53:3

Çünki bizim Baş Kahinimiz belə deyil ki, zəifliklərimizdə bizim halımıza acıya bilməsin. Əksinə, hər cəhətdən bizim kimi sınağa çəkilmiş, lakin günah etməmişdir.

İBRANİLƏRƏ 4:15

Hər şey Allah üçün və Allah vasitəsilə mövcuddur. Bir çox övladı izzətə çatdırmaq üçün onların xilasının Banisini əzablar vasitəsilə kamil etməsi Allaha münasib idi.

İBRANİLƏRƏ 2:10

O, Oğul olduğu halda çəkdiyi əzablarla itaətli olmağı öyrəndi.

İBRANİLƏRƏ 5:8

Xudavənd Rəbb qulağımı açdı, Mən qarşı durmadım, geri çəkilmədim. Məni döyənlər üçün belimi açdım, Üzümü saqqalımı yolanlara tərəf uzatdım. Təhqirlərdən, tüpürcəklərdən üzümü gizlətmədim.

YEŞAYA 50:5-6

Onda Yəhudilər «Bax onu necə də sevirmiş!» söylədilər.

YƏHYA 11:36

Şübhəsiz, O, mələklərə deyil, İbrahim nəslinə yardım edər. Buna görə də O hər cəhətdən qardaşlarına bənzər olmalı idi; belə ki Allaha xidmətində mərhəmətli və sadiq Baş Kahin olub xalqının günahları üçün kəffarə edə bilsin.

İBRANİLƏRƏ 2:16-17