7 mart 2024, cümə axşamı

Ya Rəbb, həqiqətən, Sən xalqları sevirsən! Bütün müqəddəslər Sənin əlindədir! Onlar ayağına düşər, sözlərini dinlər.

QANUNUN TƏKRARI 33:3

Ona Rəbbin bu sözü nazil oldu: «Buradan get və şərqə tərəf yollan, İordan çayının şərqində olan Kerit vadisində gizlən. Orada vadidən su içəcəksən, səni yedirməyi də qarğalara əmr etdim».

BİRİNCİ PADŞAHLAR 17:2-4

İlyasa Rəbbin bu sözü nazil oldu: «Qalx Sidonun Sarfat şəhərinə get və orada qal. Orada bir dul qadına sənə yemək verməyi əmr etdim».

BİRİNCİ PADŞAHLAR 17:8-9

Buna görə sizə deyirəm: “Nə yeyəcəyik?” və ya “Nə içəcəyik?” deyə canınız üçün, “Nə geyinəcəyik?” deyə bədəniniz üçün qayğı çəkməyin. Can yeməkdən, bədən isə geyinməkdən daha vacib deyilmi?

MATTA 6:25

Çünki bütpərəstlər bütün bu şeyləri axtarırlar. Doğrudan da, Səmavi Atanız bütün bunlara ehtiyacınız olduğunu bilir.

MATTA 6:32

Bütün qəlbinlə Rəbbə güvən, Öz idrakına etibar etmə. Bütün yollarında Onu tanı, O sənin yollarını düzəldər.

SÜLEYMANIN MƏSƏLLƏRİ 3:5-6

Bütün qayğı yükünüzü Ona ötürün, çünki O sizin qayğınıza qalır.

1 PETER 5:7