11 mart 2026, çərşənbə

Rəbbin xeyir-duası insana sərvət gətirər, Daha ona qüssə verməz.

SÜLEYMANIN MƏSƏLLƏRİ 10:22

Ya Rəbb, salehə xeyir-dua verirsən, Lütfünlə sipər kimi onları hifz edirsən.

ZƏBUR 5:12

O, ayaqlarını büdrəməyə qoymaz, Səni qoruyan yatmaz.

ZƏBUR 121:3

Səni qoruyan Rəbdir, O, sağ tərəfindədir, sənə kölgədir.

ZƏBUR 121:5

Rəbb səni hər cür şərdən saxlayar, Canını qoruyar. Rəbb gediş-gəlişini hifz edər İndidən sonsuza qədər.

ZƏBUR 121:7-8

Mən Rəbb, bağı qoruyuram, Tez-tez sulayıram, Gecə-gündüz keşiyində dururam ki, Heç kəs ona zərər verməsin.

YEŞAYA 27:3

Mən artıq dünyada deyiləm, onlarsa dünyadadır və Mən Sənin yanına gəlirəm. Ey Müqəddəs Ata, onları Mənə verdiyin adınla qoru ki, Bizim kimi bir olsunlar. Onlarla birlikdə olduğum zaman onları Mənə verdiyin adınla qoruyurdum. Onları saxladım və Müqəddəs Yazı yerinə yetsin deyə həlaka gedən adamdan başqa, onlardan heç biri həlak olmadı.

YƏHYA 17:11-12

Rəbb məni hər cür pis əməldən qurtaracaq və Öz Səmavi Padşahlığı üçün xilas edəcək. Ona əbədi olaraq izzət olsun! Amin.

2 TİMOTEYƏ 4:18