Əvvəlki düşüncələrimizdə biz Allah Oğlunun əzab çəkmək üçün İnsan olması haqqında heyrətamiz fikri nəzərdən keçirdik. Biz əvvəlcə Onun əzablı ölümünü (İbr. 2:9), ikincisi isə, bir çox oğulları izzətə gətirərək xilasımızın Rəhbəri olmaq üçün əzablar vasitəsilə mükəmməlləşdirilməsini (ayə 10) nəzərdən keçirdik.
2-ci fəslin 18-ci ayəsində, Onun dözdüyü başqa bir əzab növü üzərində düşünə bilərik. 17-ci ayədə bizə deyilir ki, Onun hər şeydə qardaşlarına bənzəməsi zəruri idi – günahdan başqa (4:15). Onun tərəfindən nə böyük lütf ki, bu dünyada həyatı sizin və mənim bildiyimiz kimi yaşasın ki, indi Allahın hüzurunda bizim üçün mərhəmətli və sadiq Baş Kahin olsun. Heç kim sizin yaşadığınızı başa düşməyə bilər, lakin O başa düşür və indi də sizin üçün şəfaət edir.
18-ci ayədəki “sınağa çəkilmiş” sözü “sınanmış” kimi tərcümə oluna bilər və həm bizi günaha sövq edən bir təklif kimi cazibəni, həm də dözə biləcəyimiz bir sınağı və ya imtahanı nəzərdə tutur. Bu, Rəbb İsanın mükəmməlliyini bizə təqdim edir. O, səhrada şeytan tərəfindən sınağa çəkiləndə, Atasının iradəsindən kənara çıxmaq təklifi belə Ona əzab verdi. Ondan fərqli olaraq, bizdə Allahın iradəsindən kənara çıxmaq təkliflərinə cavab verən günahkar bir təbiət var. Lakin bizim mübarək Rəbbimiz, sınağa çəkilərək əzab çəkən, sınaq saatında bizə kömək edə bilər və Onun gücü ilə və Allahın Kəlamından istifadə edərək zəfər qazanmağımıza səbəb ola bilər.
Biz həmçinin Rəbb İsanı yolda dözdüyü bütün sınaqlarda nəzərdən keçirə bilərik. O, bu sınaqlara Allahı onlarda izzətləndirmək üçün və həmçinin sınaq saatımızda bizə kömək edə bilmək üçün dözdü.
10-cu ayədə O, bizim Rəhbərimiz olmaq üçün əzab çəkmişdir. 18-ci ayədə O, əzablarımızda bizə kömək etmək üçün yanımıza gələ bilsin deyə əzab çəkmişdir. Onun adına bütün təriflər!
