Nümunə ol... Sözdə, söhbətdə, məhəbbətdə, ruhda, imanda, saflıqda. (1 Timoteyə 4:12)
Günümüzün xristian kilsələri yaxşı insanların nümunəsini rədd edərək, bunun əvəzinə «saatın məşhurunu» özlərinə nümunə seçməklə böyük bir itki yaşamışlar.
Razılaşmalıyıq ki, «ən böyük» insanlarımızın kim olduğunu bilməyimiz tamamilə qeyri-mümkündür.
Ancaq bir şey dəqiqdir – bu gün yaşayan ən böyük insan, bu gün yaşayan ən yaxşı insandır. Bu, mübahisəyə açıq deyil. Ruhani fəzilətlər dərin və səssizdir. Müqəddəs və təvazökar insan özünü reklam etməyəcək, nə də başqalarına bunu etməyə icazə verməyəcək.
Məsihin işini təbliğ etməyə can atan xristian, Allahın Ruhunun gücündə yaşamaqla başlaya bilər və beləliklə, Məsihin həyatını insanların gözü qarşısında təkrarlaya bilər. Dərin təvazökarlıqla və təkəbbürsüz öz işığını parlatmasına icazə verə bilər.
Bütün bunları yekunlaşdırsaq: xristianlıq üçün ən təsirli arqument hələ də onu qəbul edənlərin yaxşı həyatlarıdır!
