İlahi güclənmə birincisi daxilən doğru olmağımızı nəzərdə tutur—Məsihə və Onun mərkəzi olduğu əzəmət və şöhrətə dair hisslərimizdə və dərkimizdə: və ikincisi indiki anda, bu an, yürüşümüzdə və həyatımızda xaricən doğru olmağımızınəzərdə tutur. Bu, yığıncağın yaşayan Başının bizim üçün indiki düşüncəsi kimi bəyan edilmişdir; və Müqəddəs Ruh bu gün bu istiqamətdə işləyir.
Biz görmüşük ki, Allahın məqsədi Rəbbimiz İsa Məsihdə mərkəzləşir. O, indi Ali Olan, üstün Olandır. Bu yer Kəllə Təpəsindəki qurtarıcı sevgisi işinin nəticəsi olaraq insana aiddir. O, əvvəlcə ən aşağı yerə endi: indi isə ən yüksəyə qalxdı. O, hər şeyin Başçısıdır və bu, Onun üçün çox qiymətli olan yığıncaqla indiki və əbədi əlaqədədir, elə ki, hər bir üzv bu əlaqədə Öz bədəninin əziz bir hissəsi kimi Özü üçün bir zərurətə çevrilir.
Atanın şöhrətinin zənginliyinə görə, iman vasitəsilə ürəklərimizdə yaşaya bilməsi üçün bizə güc verilir; elə ki, Müqəddəs Ruh tərəfindən «daxili insan»da belə gücləndirilərək və sevgi içində, həyati və xarakterik olaraq möhkəmlənərək, Mərkəzdən, «bütün müqəddəslərlə» Onun şöhrətinin universal səhnəsini dərk edə bilək. Bu, yalnız imanları və sevgiləri Məsihin Özünü, o geniş parlaq bərəkət dairəsinin mərkəzi olanı və Onun sevgisinə qapılan hər kəsi əhatə edənlər üçün mümkün ola bilərdi.
Çox yayılmış bir fikirdən qaçmalıyıq, yəni Məsih ürəklərimizdə Padşah kimi hökm sürməlidir fikrindən.
O, bunu deyil, çox sevdiyi insanların ürəklərində YAŞAMAĞI arzulayır. Bu iki fikir bir-birindən çox fərqlidir.
Bu, Onun bizi idarə etməsi və ya bizə təsir etməsi fikri deyil; əksinə, ürəklərimizin sevimli Obyekti olan Özünün iman vasitəsilə onlarda yaşamasıdır; və Məsihin sevgisi, bizim üçün ölən Olanın canlı sevgisi, bizə indiki bir reallıq kimi məlum olsun; baxmayaraq ki, Özü kimi sonsuz olduğu üçün, o, mütləq biliyi aşan bir sevgi olaraq qalır.
Bir zamanlar yığıncaq üçün Özünü verən Olanın sevgisini hansı dil ifadə edə bilər ki, o, əbədi olaraq Onun olsun, Onunla universal irsi və qurtuluşun solmayan xoşbəxtliklərini yaşasın və Allahın şöhrəti üçün olsun?
J.T.M.
