Böyük Fəlakətlər
2001-ci il sentyabrın 11-də terrorçular Nyu Yorkdakı Dünya Ticarət Mərkəzinin əkiz qüllələrinə iki qaçırılmış təyyarəni çırparaq təxminən 5000 insanı öldürdülər. 2001-ci ilin yanvarında Hindistanda baş verən böyük zəlzələ 20.000-dən çox insanın ölümünə səbəb oldu. 1991-ci ildə Banqladeşi siklon vurduqda 131.000 insan öldü. 1990-cı ildə İranda zəlzələ baş verdi və 50.000 insan həlak oldu. QİÇS epidemiyası artıq dünya üzrə 25 milyondan çox insanı öldürüb. 1998-2001-ci illər arasında Konqoda üsyançılar tərəfindən 2,5 milyondan çox insan öldürüldü. Sudan, Somalidə məcburi aclıq və Ruanda və digər ölkələrdəki “etnik təmizləmə” nəticəsində milyonlarla insan həlak oldu. Bu nümunələr bizə böyük fəlakətlər dövründə yaşadığımızı göstərir. Və bütün qurbanların bir ortaq cəhəti var – ölüm!
Ən Böyük Fəlakət
Müqəddəs Kitab bizə hər an ölümə hazır olmağı buyurur. İstər terror hücumu, istər zəlzələ, istərsə də xəstəlik olsun, fəlakət baş verdikdə ölməz ruhların əbədi taleyi təhlükə altında olur. Allahın Kəlamı deyir ki, hamımız əbədiyyəti ya cəhənnəm əzabında, ya da cənnət sevincində keçirəcəyik (Vəhy 20:15; Luka 12:4-5; 23:43).
Siz heç vaxt dünyada baş verən fəlakətlərdən birbaşa təsirlənməyə bilərsiniz, lakin gec-tez öləcəksiniz. Əgər ölsəniz və birbaşa cəhənnəmə getsəniz, bu, ən böyük fəlakət olmazdımı? İsanın varlı adam və Lazar haqqında danışdığı hekayədə varlı adamın başına gələn də bu idi (Luka 16:19-31). Müqəddəs Kitab deyir ki, “hamı günah edib Allahın izzətindən məhrum olub” və “günahın əvəzi ölümdür” (Romalılar 3:23; 6:23). Ölüm bəzi insanların düşündüyü kimi sadəcə həyatın sonu deyil. Xilaskar olmadan ölüm cəhənnəmdə əbədiyyət deməkdir!
Ən Böyük Sevinc
Siz gələcək ölümünüzü İsa Məsih vasitəsilə Allahın təmin etdiyi xilası qəbul etməklə əbədi sevincə çevirə bilərsiniz. Onun Qolqota çarmıxında ölümü bütün günahlarınızın kəffarəsi oldu. Onun dirilməsi deyir ki, siz də əbədiyyəti cənnətdə keçirə bilərsiniz.
Lakin cənnətə getmək üçün bir şey etməlisiniz. Romalılar 6:23 deyir ki, “günahın əvəzi ölümdür”, lakin o, həm də deyir ki, “Allahın bəxşişi Məsih İsada əbədi həyatdır.” Başqa sözlə, cənnətə getmək üçün günahlarınızı etiraf etməli və İsanı Xilaskarınız kimi qəbul etməlisiniz. Müqəddəs Kitab deyir ki, “Allah bizə əbədi həyat verib, bu həyat da Onun Oğludur. Kimin Oğlu varsa, həyatı var; kimin Allahın Oğlu yoxdursa, həyatı yoxdur” (1 Yəhya 5:11-12). Bu qədər sadədir!
Sizin Seçiminiz
Gec-tez ölüm fəlakəti və Allahın hökmü ilə üzləşməli olacaqsınız. Hər kəs üzləşir. Lakin Məsih artıq Özünü günahlarınız üçün qurban olaraq təqdim edib. İndi Onun xilas hədiyyəsini qəbul edin və həyatın ən böyük fəlakətindən – cəhənnəmdə əbədiyyətdən qaça bilərsiniz!
