Xoşbəxtlik… Harada?
Gücdə?
Napoleon Bonapart bu dünyanın ən güclü hərbi liderlərindən biri idi. Lakin son günlərində kədərlə etiraf etdi: “Mənim üçün canını verəcək bir adam yoxdur.” General kimi böyük şöhrəti və əzəməti heçə endi.
Pulda?
Cey Quld multimilyoner dəmiryol maqnatı idi. Lakin ölüm yatağında həyatını belə yekunlaşdırdı: “Yəqin ki, mən yer üzündəki ən bədbəxt şeytanam.” Pul ölən adama xoşbəxtlik gətirmir. Pul ilə demək olar ki, hər şeyi ala bilərsiniz, xoşbəxtlikdən başqa – burada və ya əbədiyyətdə.
Zövqdə?
Məşhur ingilis şairi Lord Bayron zövq üçün yaşadı. Lakin həyatının sonunu yalnız günah, xəstəlik və kədərlə dolu kimi təsvir etdi. Günahın zövqləri doyurmur. Zövq axtarışında keçirilən həyatın sonunda qaçılmaz olaraq kədər gəlir.
Şöhrətdə?
Şöhrətdən daha çox pay alan tanınmış bir siyasətçi yazırdı: “Gənclik bir səhvdir, yetkinlik bir mübarizədir, qocalıq bir peşmançılıqdır.” Şöhrətin aldadıcı köpüyü partlamışdı! Həyatını “bir səhv,” “bir mübarizə” və “bir peşmançılıq” kimi təsvir edən hər kəs xoşbəxtliyi tapmamışdır.
İmansızlıqda?
Volter xristianlığı rədd edən açıq sözlü bir filosof idi. Həyatının sonuna yaxın yazırdı: “Kaş ki, heç doğulmasaydım.” O, imansızlığın xoşbəxtlik gətirmədiyini kəşf etdi. O, hər şeyi alır və qarşılığında heç nə vermir. Allahın sevgisi, Məsihin xilas edən qanı və Allahın təminat verən Kəlamı əvəzinə, imansız yalnız qeyri-müəyyən nəzəriyyələr, ümidsiz bir ölüm yatağı və Allahın dəhşətli hökmü ilə qalır.
Xoşbəxtlik Haradadır?
Bu məşhur kişilər dünyanın ən müdrik adamı Süleymanın insanın xoşbəxtlik axtarışının faydasızlığı haqqında dediklərini təsdiqləyir:
“Hər şey boşluqdur və küləyi tutmaqdır” (Vaiz 2:17).
Bəs xoşbəxtlik harada tapılır? Yalnız Məsihdə! Müqəddəs Kitab deyir ki,
“ümid Allahı (sizi) imanla bütün sevinc və sülhlə dolduracaq” (Romalılar 15:13).
Siz günah etmisiniz və bağışlanmağa ehtiyacınız var. Günahlarınız yuyulana qədər heç vaxt xoşbəxt olmayacaqsınız. Və bu təmizlənmə yalnız Məsihin tökülən qanı vasitəsilə gəlir (1 Yəhya 1:7).
Siz Buna Sahib Ola Bilərsiniz!
Gələcəyiniz qaranlıq və qeyri-müəyyən olarsa, heç vaxt həqiqətən xoşbəxt olmayacaqsınız. Qarşıdakı günlərə işıq gətirməyin yeganə yolu Məsihi öz şəxsi Xilaskarınız kimi qəbul etməkdir. O, Özü haqqında deyir:
“Mən dünyanın işığıyam. Məni izləyən qaranlıqda gəzməyəcək, əksinə həyat işığına sahib olacaq” (Yəhya 8:12).
Əgər həyatın çətinlikləri sizi sıxır və ruhunuzu əzirsa, xoşbəxt ola bilməzsiniz. Yalnız İsa Məsih sizə gündən-günə həqiqi xoşbəxtlik verə bilər.
Müqəddəs Kitab deyir ki, əgər İsaya Xilaskarınız kimi güvənsəniz, siz
“ifadəolunmaz və izzətlə dolu sevinclə sevinə biləcəksiniz” (1 Peter 1:8).
Həqiqi xoşbəxtlik harada tapıla bilər? Yalnız İsada. Bu gün Ona gəlməyəcəksinizmi?
