Hamımızın Eşitmək İstədiyimiz Şey: “Bon Voyage!”
Yay tətilinizi planlaşdırırsınız? Bəlkə də keçən ildən planlaşdırmısınız, bütün rezervasiyaları, səyahət tədbirlərini görmüsünüz və gətirməli olduğunuz hər şeyi siyahıya almısınız.
Səfəriniz zamanı ölməyi də planlaşdırmısınızmı? “Xeyr,” deyirsiniz. Heç kim bunu etməz, və bu fikir qəmgin olsa da, fakt budur ki, bir çox insan tətil səfərləri zamanı həlak olur – avtomobil qəzalarından, yıxılmalardan, boğulmalardan, qətllərdən, hətta sunamilərdən. Əksini düşünmək istəsək də, turistlərin ölməsi nadir hal deyil.
Biz heç vaxt ölməyi planlaşdırmırıq, amma bu, hər birimiz üçün qaçılmazdır. Müqəddəs Kitab deyir ki,
ölüm bütün insanlara gəldi, çünki hamı günah etdi (Romalılara 5:12, İncil). Bəziləri deyir: “Ölümdən sonra heç nə yoxdur.” Lakin Müqəddəs Kitab bunun əksini göstərir – ya cənnət, ya da cəhənnəm – və deyir: “Allahınızla görüşməyə hazırlaşın” (Amos 4:12). Əgər bu, pis xəbər kimi səslənirsə, yaxşı xəbər üçün oxumağa davam edin.
İsa Məsih artıq bizim adımıza Allahla görüşüb və günahlarımıza görə hökmümüzü Öz üzərinə götürərək cənnətə getməyimiz üçün yolu hazırlayıb. O, Ona sadəcə inanan hər kəs üçün yolu açıb. Müqəddəs Kitab deyir,
Allah dünyanı o qədər sevdi ki, Öz yeganə Oğlunu verdi ki, Ona iman edən hər kəs həlak olmasın, əbədi həyata malik olsun (Yəhya 3:16).
Biz hazırlana bilərik Oğlu vasitəsilə Allahla görüşməyə və vaxtı gələndə cənnətə “bon voyage” (yaxşı səyahət) etməyə. Yaxud, İsanın dediyi kimi, biz
qaranlıq çölə atıla bilərik, orada ağlaşma və diş qıcırtısı olacaq (Matta 8:12). Seçim bizimdir!
Əgər son səfərinizi həqiqətən yaxşı etmək üçün daha çox məlumata ehtiyacınız varsa, bizimlə əlaqə saxlayın.
