«Qalan qırıntıları toplayın. Heç nə israf edilməsin!» (Yəhya 6:12)Minlərlə insan üçün beş çörəyi asanlıqla bol yeməyə çevirə bilən O'nun, «qırıntıları saxlamaq» barədə bu qədər diqqətli olması diqqətəlayiq görünür.
Lakin İsa bizə qənaəti öyrədərdi. Bolluğumuz nə qədər böyük olursa olsun, «qırıntılara» diqqət yetirməliyik. Süfrələrimizdə yedikdən sonra, qalan parçalara sevinəcək ac insanlar var.
Bu, zaman qırıntılarına da aiddir. Bir çox məşğul insan həyatlarında bütün illəri—hər gün itirdikləri dəqiqələrdə!—israf edir. Əgər ilin sonunda bütün bu «qırıntıları» toplaya bilsəydilər, çoxlu yaxşılıq edə biləcəkləri qızıl zamanla dolu bir çox səbətə sahib olardılar.
Eynilə, gücümüzü israf etməməliyik. Bir çox insan bədən enerjisini oyunlarda və ya faydasız əyləncələrdə israf edir, halbuki bu, Allaha aiddir—və Onun şərəfi üçün son zərrəsinə qədər istifadə edilməlidir!
Eynilə, məhəbbətlərimizi layiq olmayan əşyalara və ya insanlara verməklə israf etməməliyik.
Bu prinsipinin tətbiqinə heç bir məhdudiyyət yoxdur. Sahib olduğumuz hər şeyin, hətta zamanın dəqiqələrinin, gücün kiçik hissələrinin və süfrələrimizdəki ən kiçik çörək parçalarının belə hesabını verməliyik!
J.M.
