12 aprel 2026, bazar

Qanunda gələcək nemətlərin əsli deyil, kölgəsi var. Buna görə də Qanun ildən-ilə daimi bir surətdə təqdim olunan eyni qurbanlar vasitəsilə Allaha yaxınlaşanları əsla kamil edə bilməz. Əks təqdirdə, bu qurbanların təqdim olunmasına son qoyulardı. Çünki ibadət edənlər birdəfəlik təmizlənəndən sonra artıq günahlarına görə vicdan əzabı çəkməzdilər.

İbrani̇lərə 10:1–2

iman edən hər kəs bu İnsanda saleh sayılacaq.

Həvari̇ləri̇n İşləri̇ 13:39

Bu səbəbdən bu övladlar tərkibcə qan və ətdən yarandıqlarına görə İsa Özü də onların insan təbiətinə şərik oldu ki, ölüm üzərində hakimiyyət sahibi olanı, yəni iblisi Öz ölümü vasitəsilə təsirsiz hala gətirsin və ölüm qorxusuna görə ömürləri boyu əsarətdə olanların hamısını azad etsin. Şübhəsiz, O, mələklərə deyil, İbrahim nəslinə yardım edər. Buna görə də O hər cəhətdən qardaşlarına bənzər olmalı idi; belə ki Allaha xidmətində mərhəmətli və sadiq Baş Kahin olub xalqının günahları üçün kəffarə edə bilsin.

İbrani̇lərə 2:14–17

Necə ki yazılıb: «Saleh olan yoxdur, Bir nəfər belə, yoxdur.

Romalilara 3:10

Hamısı yoldan azıb, Onlardan fayda yoxdur. Bir nəfər də olsun Yaxşı iş görən yoxdur».

Romalilara 3:12

Doğrudan da, yer üzündə elə saleh adam yoxdur ki, Yalnız yaxşılıq edib heç bir günah etməsin.

Vai̇z 7:20

Fani insan Allah qarşısında necə saleh ola bilər? Qadından doğulan necə təmiz ola bilər?

Əyyub 25:4

Beləliklə, Allahın rahatlıq diyarına girmək vədi hələ də qüvvədə olarkən hər birinizin bundan məhrum olmasından qorxaq.

İbrani̇lərə 4:1

Çünki qanunsuzluqlarımı bilirəm, Günahım daim gözümün qarşısındadır.

Zəbur 51:3

Mən doğulandan bəri günahkaram, Ana bətnindən belə, təqsirkaram.

Zəbur 51:5

Davud Natana dedi: «Mən Rəbbə qarşı günah etdim». Natan Davuda dedi: «Rəbb sənin günahını sildi, ölməyəcəksən.

İki̇nci̇ Şamuel 12:13

əvvəlcədən təyin etdiyi adamları da çağırdı; çağırdığı adamları da saleh saydı; saleh saydığı adamları da izzətləndirdi.

Romalilara 8:30

Biz hamımız niqabsız üzdə Rəbbin ehtişamını əks etdirərək Rəbbin surətində dəyişilirik. Ruh olan Rəbdən yaranan bu ehtişam get-gedə bizdə görünməyə başlayır.

2 Kori̇nfli̇lərə 3:18

Bir şərtlə ki eşitdiyiniz Müjdənin verdiyi ümiddən sarsılmadan, iman əsasında möhkəm və sabit durasınız. Bu Müjdə səma altında olan bütün yaradılışa vəz olundu və mən Paul Müjdənin xidmətçisi oldum.

Kolosseli̇lərə 1:23

Sizə öyüd verdik, ruhlandırdıq və yalvardıq ki, Öz Padşahlığına və izzətinə çağıran Allaha layiq şəkildə həyat sürəsiniz.

1 Saloni̇kli̇lərə 2:12