29 avqust 2026, şənbə

Allahın vədinə imansızlıqla şübhə etmədi, əksinə, imanında möhkəm durub Allahı izzətləndirdi. Tamamilə əmin idi ki, Allah verdiyi vədi yerinə yetirməyə də qadirdir.

Romalilara 4:20–21

Beləcə o vaxt İsrail övladları sakitləşdilər, Yəhudalılar isə atalarının Allahı Rəbbə güvəndikləri üçün üstün gəldilər.

İki̇nci̇ Salnamələr 13:18

Allah bizə sığınacaqdır, qüvvətdir, Dar gündə çox kömək edir. Buna görə biz qorxmuruq: Yer üzü alt-üst olsa belə, Dağlar uçub dənizin köksünə aşsa belə,

Zəbur 46:1–2

Rəbbə pənah gətirmək İnsana güvənməkdən yaxşıdır. Rəbbə pənah gətirmək Əsilzadələrə güvənməkdən yaxşıdır.

Zəbur 118:8–9

Rəbb insana gedəcəyi yolu göstərir, Kimdən razı qalırsa, onu möhkəmləndirir. Bu insan büdrəsə də, yıxılmaz, Çünki Rəbb onun əlindən tutar.

Zəbur 37:23–24

Dadın, görün Rəbb nə qədər şirindir, Nə bəxtiyardır Ona pənah gətirənlər! Ey Rəbbin müqəddəsləri, Rəbdən qorxun, Ondan qorxan heç nəyə möhtac qalmaz.

Zəbur 34:8–9

Nə gecənin kabusundan, Nə də gündüz atılan oxdan,

Zəbur 91:5

Səni qanadlarının altına alar, Pərlərinin altında sığınacaqsan. Sədaqəti qalxanın, sipərin olar.

Zəbur 91:4

Ey Yerusəlim, Yerusəlim! Peyğəmbərləri öldürən və ora göndərilənləri daşqalaq edən şəhər! Toyuq cücələrini qanadları altına yığan kimi Mən də dəfələrlə sənin övladlarını yığmaq istədim, sizsə istəmədiniz!

Matta 23:37

O, ayaqlarını büdrəməyə qoymaz, Səni qoruyan yatmaz. Bax İsraili qoruyan yuxulamaz, Yatıb qalmaz. Səni qoruyan Rəbdir, O, sağ tərəfindədir, sənə kölgədir.

Zəbur 121:3–5

Qoy sonsuzadək çadırında yaşayım, Qanadlarının altında pənah tapım. Sela

Zəbur 61:4

Sənin qarşında zülmət batar, Önündə gecə də gündüz kimi nur saçar. Nurun, zülmətin Sənin üçün nə fərqi var?

Zəbur 139:12

O Öz Oğlunu belə, əsirgəməyib Onu hamımızın uğrunda ölümə təslim etdisə, Onunla birgə bütün şeyləri də bizə lütf etməyəcəkmi?

Romalilara 8:32

Sizsə Məsihinsiniz, Məsih də Allahındır.

1 Kori̇nfli̇lərə 3:23

Çünki o gün Ordular Rəbbi Bütün qürurluları, lovğaları, məğrurları alçaldacaq.

Yeşaya 2:12