28 mart 2024, cümə axşamı

Qardaşlar, vəfat edənlər haqqında bixəbər qalmağınızı istəmirik ki, ümidsiz olan digər adamlar kimi kədərlənməyəsiniz. Axı İsanın ölüb-dirilməsinə inanırıqsa, demək İsaya bağlanaraq vəfat edənləri də Allah Onunla birgə qaytaracaq.

1 SALONİKLİLƏRƏ 4:13-14

Çünki əgər ölülər dirilməzsə, Məsih də dirilməyib. Əgər Məsih dirilməyibsə, imanınız da əbəsdir, siz hələ günahlarınızın içindəsiniz. Onda Məsihdə vəfat edənlər əbədilik öldülər.

1 KORİNFLİLƏRƏ 15:16-18

Əslində Məsih ölülər arasından, vəfat edənlərin ilki olaraq dirildi.

1 KORİNFLİLƏRƏ 15:20

Bütün millət tamamilə İordan çayını keçəndən sonra Rəbb Yeşuaya dedi:

YEŞUA 4:1

Onlara əmr et ki, buradan, İordan çayının ortasından, kahinlərin ayaqlarının möhkəm durduğu yerdən on iki daş götürsünlər. Bu daşları aparıb bu gecə qaldığınız yerdə qoyun».

YEŞUA 4:3

onlara belə deyərsiniz: “İordan çayının suları Rəbbin Əhd sandığının önündə kəsildi. Əhd sandığını İordan çayından keçirəndə İordan çayının suları kəsilmişdi”. Bu daşlar İsrail övladlarına əbədi bir xatirə olacaq».

YEŞUA 4:7

Allah bu İsanı ölümdən diriltdi və hamımız buna şahid olduq.

HƏVARİLƏRİN İŞLƏRİ 2:32