29 mart 2025, şənbə

Qorxma, ey kiçik sürü! Çünki Atanız Padşahlığı sizə verməyi münasib gördü.

LUKA 12:32

Ey sevimli qardaşlarım, dinləyin: Allah bu dünyada kasıbları imanda zənginləşmək və Onu sevənlərə vəd etdiyi Padşahlığın varisi olmaq üçün seçmədimi?

YAQUB 2:5

Deməli, indi Məsih İsada olanlara heç bir məhkumluq yoxdur.

ROMALILARA 8:1

Axı Ata Özü sizi sevir, çünki siz Məni sevdiniz və Mənim Allahın yanından gəldiyimə inandınız.

YƏHYA 16:27

Amma əslində onlar daha yaxşı bir ölkəni, yəni səmavi vətəni arzu edirdilər. Buna görə Allah Özünü onların Allahı adlandırmaqdan utanmır, çünki O onlar üçün şəhər hazırlamışdır.

İBRANİLƏRƏ 11:16

Qalib gələn bunları irs alacaq; “Mən ona Allah, o isə Mənə oğul olacaq”.

VƏHY 21:7

İndi salehlik tacı mənim üçün hazır durur. Ədalətli Hakim olan Rəbb qiyamət günü onu mənə – yalnız mənə deyil, Onun zühuruna can atanların hamısına verəcək.

2 TİMOTEYƏ 4:8

Əminəm ki, sizdə xeyirli işə başlayan Allah Məsih İsanın zühur edəcəyi günədək bunu başa çatdıracaq.

FİLİPİLİLƏRƏ 1:6