Gündəlik İşıq
Lut başını qaldırıb İordan çayının kənarındakı düzənliyi gördü. O vaxt bu yer Misir torpağı kimi bütünlüklə Soara qədər suvarılırdı və Rəbbin bağı kimi idi. Rəbb hələ Sodom və Homorranı məhv etməmişdi. Lut özünə İordan çayının kənarındakı düzənliyi seçdi. O, şərqə tərəf hərəkət etdi. Beləcə onlar bir-birindən ayrıldı.
YARADILIŞ 13:10-11
Pozğun insanların əxlaqsız həyat tərzindən əziyyət çəkən saleh Lutu isə qurtardı. Çünki onların arasında yaşayan bu saleh insan günbəgün onların qanunsuz əməllərini görüb-eşidib öz saleh ruhunda iztirab çəkirdi.
2 PETER 2:7-8
Aldanmayın: Allaha istehza edilməz. Çünki insan nəyi əkərsə, onu da biçəcək.
QALATİYALILARA 6:7
Lutun arvadını yadınıza salın!
LUKA 17:32
İmansızlarla eyni boyunduruğa girməyin. Çünki salehliklə qanunsuzluğun nə şərikliyi var? İşıqla qaranlığın ortaq nəyi var?
2 KORİNFLİLƏRƏ 6:14
Ona görə «aralarından çıxıb ayrılın» Rəbb belə deyir, «Murdar şeylərə toxunmayın»; «Mən də sizi qəbul edəcəyəm».
2 KORİNFLİLƏRƏ 6:17
Buna görə də onların şəriki olmayın. Siz də bir zamanlar zülmət idiniz, indi isə Rəbdə nursunuz. Ona görə də nur övladları kimi həyat sürün.
EFESLİLƏRƏ 5:7-8
Rəbbi razı salan şeyləri ayırd edin, qaranlığın səmərəsiz əməllərinə şərik olmayın. Əksinə, bunları ifşa edin.
EFESLİLƏRƏ 5:10-11
Müqəddəs Yazı seçmələri Daily Light on the Daily Path-dan (ictimai mülkiyyət).
21 mar 2025
Revelation 3:2
20 mar 2025
Psalms 119:130
19 mar 2025
Acts 3:26
18 mar 2025
Isaiah 38:14
17 mar 2025
Leviticus 1:4
16 mar 2025
James 4:14
15 mar 2025
Hebrews 2:10
