Qəlbimizin təbii düşüncələri nə qədər pozulmuşdur! Əgər yüksək şərəf və ləyaqət sahibi bir adam böyük bir düşmənin qorxunc hücumundan şəhərini xilas etmək üçün müdrik bir plan hazırlasaydı, o, yüksək qiymətləndirilər və yəqin ki, onun şərəfinə bir abidə ucaldılardı. Lakin belə bir müdrikliyi göstərən kasıb bir adam unudulur.
Allah o qədər müdrikcəsinə təyin etmişdir ki, Öz sevimli Oğlu, ən yüksək insanlardan sonsuz dərəcədə yüksək ləyaqətə layiq olan O, bu dünyaya kasıb bir İnsan kimi gəlsin. O, yaratdığı kainatla müqayisədə o qədər kiçik, insanları tamamilə əhatə edən şeytani güclərlə müqayisədə o qədər zəif bir dünyaya heyrətamiz təvazökarlıq və böyük mərhəmətlə gəldi.
Bu kasıb İnsan düşüncəmizdən kənar möhtəşəm müdrikliklə hərəkət etdi, nəinki dünyanı xilas etmək üçün bir plan hazırladı, həm də bu planı mükəmməlliyə çatdırmaq üçün öz həyatını qurban verdi: “Özünü alçaltdı və ölümə, hətta çarmıx ölümünə qədər itaətkar oldu” (Fil. 2:8). Onun tamamlanmış işi nəticədə bu dünyanı bütün təhlükələrdən azad edəcək və bununla saysız-hesabsız ruhlar artıq dəhşətli bir sondan əbədi olaraq xilas edilmişdir.
Bu kasıb müdrik adamı bu gün həqiqətən neçə nəfər xatırlayır? Təəssüf ki, bir çoxları tərəfindən unudulmuşdur. Bunun əksinə olaraq, hər bir mömin onu tam qəlblə və ibadətkar heyranlıqla sevinclə xatırlasın.
