Rəbbin İbrahimə göründüyünü beşinci dəfə oxuyuruq, lakin Allahın İbrahimlə son danışdığı vaxt on üç il əvvəl idi. İbrahim 12–13-cü fəsillərdə imanla yeriməyə başlayanda Rəbbi təcrübə etmişdi. O, 14–15-ci fəsillərdə imanla döyüşərkən Öz Allahına güvənməyin vacibliyini öyrənmişdi. Lakin indi 16–17-ci fəsillərdə İbrahim və arvadı imanla Rəbbi gözləməkdə çətinlik çəkirlər. Allah İbrahimə və onun nəslinə torpaq vəd etmişdi, lakin o və arvadı yaşlaşır və hələ də uşaqları yoxdur. 16-cı fəsildə Saray tez-tez etdiyimiz şeyi edir: işləri öz əlinə alır. O, misirli qulluqçusu Həcəri İbrahimə verir, lakin bu yalnız daha çox problem yaradır!
Tez-tez həyatımızda elə hallar yaranır ki, biz işləri özümüz həll etməyə çalışırıq və vəziyyəti yalnız çətinləşdiririk. Rəbb bizdən öz zəkamıza və ya öz gücümüzə güvənməyimizi istəmir. O, bizdən Onun üçün heç nəyin çətin olmadığına və Onun gəlib maneəni Öz şöhrətini göstərmək üçün bir fürsətə çevirə biləcəyinə inanmağımızı arzulayır! Rəbb Özünü İbrahimə Qadir Allah kimi açır! Bu ad iki sözdən ibarətdir, El gücdən, Şadday isə bütün güc və bütün kifayətlilik fikrini birləşdirir. Rəbb İbrahimə Sarayın 90 yaşında belə bir oğlu olacağını demək üzrə idi!
Əgər böyük bir qərarla üz-üzəsinizsə və ya özünüzü mümkünsüz bir çıxılmaz vəziyyətdə tapırsınızsa, Rəbbin qabağına qaçmayın. Onun gücünü və qüdrətini açmasını gözləyin! İbrahimə Rəbbin önündə yerimək və qüsursuz olmaq tapşırılmışdı. Mümkünsüzlüklə üz-üzə gələndə, Rəbbin üzü önündə, Ona tamamilə sadiq olaraq yeriyin və O, ehtiyacınız olan vaxtda sizin üçün hər şeyə qadir bir Allah olduğunu göstərəcək!
