1 mart 2026, bazar

Biz Allahın bizə olan məhəbbətini anlayıb buna inandıq. Allah məhəbbətdir. Kim məhəbbətdə qalarsa, Allahda qalar, Allah da onda qalar.

1 Yəhya 4:16

Ümidimiz də boşa çıxmır, çünki Allah məhəbbəti bizə verilən Müqəddəs Ruh vasitəsilə ürəklərimizə tökülüb.

Romalilara 5:5

Beləliklə, iman edən sizlər üçün bu daş qiymətlidir, amma iman etməyənlər üçün «bənnaların rədd etdiyi daş guşədaşı olub»,

1 Peter 2:7

Biz sevirik, çünki öncə O bizi sevdi.

1 Yəhya 4:19

Bizi məcbur edən Məsihin məhəbbətidir və bu qənaətə gəlmişik ki, bir Nəfər hamı üçün öldüyünə görə hamı öldü. Bəli, O hər kəs uğrunda öldü ki, qoy yaşayanlar artıq özləri üçün deyil, onlar uğrunda Ölüb-Dirilən üçün yaşasınlar.

2 Kori̇nfli̇lərə 5:14–15

Qardaşlıq sevgisinə gəlincə, sizə yazmağa ehtiyac yoxdur, çünki Allah bir-birinizi sevməyi öyrədib.

1 Saloni̇kli̇lərə 4:9

Mənim əmrim belədir: Mən sizi sevdiyim kimi siz də bir-birinizi sevin.

Yəhya 15:12

Hər şeydən əvvəl, bir-birinizi can-dildən sevin, çünki «məhəbbət çox günahı örtər».

1 Peter 4:8

Məsih bizi necə sevdisə, Özünü bizim üçün Allahın xoşuna gələn ətirli təqdim və qurban olaraq fəda etdisə, siz də məhəbbətdə elə həyat sürün.

Efesli̇lərə 5:2

Rəbb mənimlədir, heç qorxmaram. İnsan mənə nə edə bilər?

Zəbur 118:6

Səndən qorxanlara isə bayraq vermisən, Qoy onu həqiqət naminə qaldırsınlar. Sela

Zəbur 60:4

Rəbdir nurum, qurtuluşum! Mən kimdən qorxum? Rəbdir ömrümün qalası, Mən kimdən vahimələnim?

Zəbur 27:1

Bir ordu qarşımda düzülsə belə, ürəyim qorxmaz, Mənimlə döyüşsələr də, arxayınam.

Zəbur 27:3

Budur, Allah bizimlədir, başımızın üstündədir. Onun kahinləri də bizimlədir. Sizə qarşı çalmaq üçün əllərində yüksək səs verən kərənaylar var. Ey İsrail övladları, atalarınızın Allahı Rəbbə qarşı müharibə etməyin, çünki işiniz yaxşı getməz».

İki̇nci̇ Salnamələr 13:12

Ordular Rəbbi bizimlədir! Yaqubun Allahı qalamızdır! Sela

Zəbur 46:7

Onlar Quzu ilə döyüşəcəklər, lakin Quzu onlara qalib gələcək. Çünki O, ağaların Ağası, padşahların Padşahıdır və Onunla birgə olanlar da çağırılmış, seçilmiş və sadiq şəxslərdir».

Vəhy 17:14

Nə üçün millətlər belə vurnuxmaya düşür, Ümmətlər boş şeylər düşünür?

Zəbur 2:1

Göylərin sakini gülür, Xudavənd onlara istehza edir.

Zəbur 2:4

Birlikdə məsləhətləşin, o boşa çıxacaq. İstədiyiniz qədər danışın, heç bir söz gerçək olmayacaq, Çünki Allah bizimlədir.

Yeşaya 8:10