Gündəlik İşıq | 18 Şər adam saxta mükafat qazanar,...

27 mart 2026, cümə

Gündəlik İşıq

Şər adam saxta mükafat qazanar, Salehlik toxumu əkən, həqiqətən, onun əvəzini alar.

Süleymanin Məsəlləri̇ 11:18

Uzun zamandan sonra həmin qulların ağası gəldi və onlardan hesabat tələb etdi. Beş talant alan gəlib daha beş talant gətirərək dedi: “Ağa, sən mənə beş talant əmanət etdin. Budur, mən daha beş talant qazandım”. Ağası ona dedi: “Afərin, yaxşı və sadiq qulum! Sən xırda işlərdə sadiq oldun, səni böyük işlər üzərinə qoyacağam. Ağanın sevincinə şərik ol!”

Matta 25:19–21

Mən yaxşı mübarizə aparmışam, yolumu sona çatdırdım, imanı saxladım. İndi salehlik tacı mənim üçün hazır durur. Ədalətli Hakim olan Rəbb qiyamət günü onu mənə – yalnız mənə deyil, Onun zühuruna can atanların hamısına verəcək.

2 Ti̇moteyə 4:7–8

Tezliklə gəlirəm. Nəyin varsa, ona bağlı qal ki, heç kəs tacını götürməsin.

Vəhy 3:11

Siz insanın qarşılaşdığı sınaqdan başqa bir sınaqla qarşılaşmadınız. Allah sadiqdir və O sizi gücünüzdən artıq sınağa çəkilməyə qoymaz. Sınaqla yanaşı bu vəziyyətdən çıxış yolu ilə də təmin edəcək ki, tab gətirə biləsiniz.

1 Kori̇nfli̇lərə 10:13

Allah insan deyil ki, Yalan söyləsin, Bəşər oğlu deyil ki, Fikrini dəyişdirsin. Dediyini həyata keçirməzmi? Verdiyi sözü yerinə yetirməzmi?

Saylar 23:19

Lakin İsa Ona «Rəbb and içdi, qərarını dəyişməz: “Sən əbədi bir Kahinsən”» deyən Allah vasitəsilə andla kahin oldu.

İbrani̇lərə 7:21

Eləcə də Allah vədin varislərinə iradəsinin dəyişməzliyini daha açıq-aşkar etmək istəyərək Öz vədini andla təsdiqlədi. Belə ki qarşımıza qoyulan ümidə bağlanmaq üçün Allaha sığınan bizlər Allahın bunlarda yalan danışması qeyri-mümkün olduğuna görə iki dəyişilməz şeydə – Onun vəd və andında böyük təsəlliyə malik olaq.

İbrani̇lərə 6:17–18

Bunun üçün qoy Allahın iradəsinə görə əzab çəkənlər yaxşılıq edərək həyatlarını sadiq olan Yaradana həvalə etsinlər.

1 Peter 4:19

Bu əzabları çəkməyimin səbəbi də budur. Amma bundan utanmıram, çünki Kimə iman etdiyimi bilirəm və əminəm ki, mənə verdiyi əmanəti qiyamət gününə qədər saxlamağa qadirdir.

2 Ti̇moteyə 1:12

Sizi çağıran Allah sadiqdir və bunu edəcək.

1 Saloni̇kli̇lərə 5:24

Müqəddəs Yazı seçmələri Daily Light on the Daily Path-dan (ictimai mülkiyyət).

Oxuma seçimləri

Son günlər

Hamısına bax

26 mar 2026
Matta 2:14–15 · Romalilara 6:16
25 mar 2026
İbrani̇lərə 13:5–6 · Yaradiliş 28:15
24 mar 2026
Yaradiliş 15:6 · Romalilara 4:20–24
23 mar 2026
Vəhy 4:8 · Zəbur 22:3
22 mar 2026
Yaradiliş 13:10–11 · 2 Peter 2:7–8
21 mar 2026
Vəhy 3:2 · 1 Peter 4:7
20 mar 2026
Zəbur 119:130 · 1 Yəhya 1:5