5 may 2026, çərşənbə axşamı

Ey Rəbbin müqəddəsləri, Rəbdən qorxun, Ondan qorxan heç nəyə möhtac qalmaz. Gənc aslanlar ac-yalavac qaldılar, Lakin Rəbbi axtaranlar Heç bir yaxşı şeydən korluq çəkməzlər.

Zəbur 34:9–10

Axı Rəbb Allah günəşdir, sipərdir, Rəbb lütf və şərəf verir, Xeyirxahlığını düz yolla gedənlərdən əsirgəmir. Ey Ordular Rəbbi, Sənə güvənən nə bəxtiyardır!

Zəbur 84:11–12

Sizin qayğısız olmanızı istəyirəm. Subay kişi Rəbbi necə razı salmaq barəsində düşünüb Rəbbin işlərinin qayğısına qalır.

1 Kori̇nfli̇lərə 7:32

Heç nəyin qayğısını çəkməyin, amma hər barədə xahişlərinizi Allaha dualarla, yalvarışlarla, şükür edə-edə bildirin.

Fi̇li̇pi̇li̇lərə 4:6

İki sərçə bir qara pula satılmırmı? Onlardan biri belə, Atanızın izni olmadan yerə düşməz. Sizin başınızdakı saçlar belə, sayılıb. Ona görə də qorxmayın, siz saysız-hesabsız sərçədən daha dəyərlisiniz.

Matta 10:29–31

İsa onlara dedi: «Niyə qorxursunuz? Hələ imanınız yoxdurmu?»

Mark 4:40

İsa cavab verib onlara dedi: «Allaha imanınız olsun.

Mark 11:22

Ata övladlarına rəhm etdiyi kimi Rəbb də Ondan qorxanlara elə rəhm edir. Çünki necə yarandığımızı bilir, Torpaqdan düzəlməyimizi unutmur.

Zəbur 103:13–14

Gündüz günəşin ziyanı sənə dəyməz, Gecə ay da sənə zərər verməz.

Zəbur 121:6

Bu bir çardaq olub gündüz qızmar istidə kölgə olacaq, fırtına ilə yağışa qarşı sığınacaq və daldalanma yeri olacaq.

Yeşaya 4:6

Səni qoruyan Rəbdir, O, sağ tərəfindədir, sənə kölgədir.

Zəbur 121:5

Rəbb gediş-gəlişini hifz edər İndidən sonsuza qədər.

Zəbur 121:8

Rəbb onların qabağı ilə gündüz onlara yol göstərmək üçün bulud dirəyində, gecə isə onlara işıq vermək üçün od dirəyində gedirdi ki, gündüz də, gecə də gedə bilsinlər. Gündüzlər bulud dirəyi, gecələr isə od dirəyi xalqın önündən ayrılmadı.

Çixiş 13:21–22

İsa Məsih dünən, bu gün və əbədi olaraq eynidir.

İbrani̇lərə 13:8