3 sentyabr 2026, cümə axşamı

Rəbb qorxusu pisliyə nifrət etməkdir, Lovğalığa, təkəbbürə, pis yola, Hiyləli dilə nifrət edərəm.

Süleymanin Məsəlləri̇ 8:13

Qoy məhəbbətiniz riyasız olsun. Pislikdən ikrah edin, yaxşılığa bağlanın.

Romalilara 12:9

Hər cür şərdən uzaq durun.

1 Saloni̇kli̇lərə 5:22

Diqqət edin ki, heç kim Allahın lütfündən məhrum olmasın, aranızda bir acı kök böyüyüb əziyyət verməsin və bununla bir çoxlarını murdar etməsin.

İbrani̇lərə 12:15

Mən qəlbimdə təqsirə yer versəydim, Xudavənd məni eşitməzdi.

Zəbur 66:18

Bunun əvəzinə qoy insan özünü yoxlasın və sonra bu çörəkdən yeyib bu kasadan içsin.

1 Kori̇nfli̇lərə 11:28

Lakin Allahın atdığı möhkəm təməl bu sözlərlə möhürlənib durur: «Rəbb Özününküləri tanıyır» və «Rəbbin adını ağzına alan hər kəs haqsızlıqdan uzaqlaşsın».

2 Ti̇moteyə 2:19

Həqiqətən, bizə belə bir Baş Kahinin olması münasibdir ki, O, müqəddəs, günahsız, ləkəsiz, günahkarlardan ayrılmış, göylərdən daha ucalara qaldırılmış olsun.

İbrani̇lərə 7:26

Siz bilirsiniz ki, Məsih günahları aradan qaldırmaq üçün zühur etdi. Onda günah yoxdur.

1 Yəhya 3:5

Amma qorxuram ki, ilanın hiyləgərliyi ilə Həvvanı aldatması kimi düşüncələrinizin pozulub Məsihə olan səmimi və pak həsr olunmasından azasınız.

2 Kori̇nfli̇lərə 11:3

Nəhayət, Rəbdə və Onun böyük qüvvəsində möhkəmlənin. İblisin hiylələrinə qarşı dura bilmək üçün Allahın verdiyi bütün zireh və silahlara bürünün.

Efesli̇lərə 6:10–11

Buna görə Allahın bütün zireh və silahlarını götürün ki, pis gündə müqavimət göstərib, əlinizdən gələn hər bir şeyi etdikdən sonra dayana biləsiniz.

Efesli̇lərə 6:13

Xilas dəbilqəsini və Ruhun qılıncını, yəni Allahın kəlamını götürün.

Efesli̇lərə 6:17

Şeytan bizdən mənfəət qazanmasın. Çünki onun niyyətlərindən xəbərsiz deyilik.

2 Kori̇nfli̇lərə 2:11