24 oktyabr 2023, çərşənbə axşamı

Amma Sion dedi: «Rəbb məni tərk etdi, Xudavəndim məni unutdu». Rəbb isə deyir: «Ana südəmər körpəsini heç unudarmı? Bətnindən çıxan oğluna rəhm etməzmi? Ana öz körpəsini unutsa belə, Mən səni əsla unutmaram.

YEŞAYA 49:14-15

Salamatlıqdan canımı uzaq etdi, Yaxşılığı unutdum. Dedim: «Üzərimdən əzəmətim getdi, Rəbdən ümidim kəsildi».

MƏRSİYƏLƏR 3:17-18

Ey Xudavənd, oyan, niyə yatmısan? Qalx, bizi əbədilik atma!

ZƏBUR 44:23

Ey Yaqub nəsli, ey İsrail! Nə üçün «Rəbb başıma gələnləri bilmir, Allahım mənim haqqıma diqqətsizlik edir?» Deyib gileylənirsən?

YEŞAYA 40:27

Bir anlığa qızğın qəzəblə səndən üzümü döndərdim, Lakin əbədi məhəbbətimlə sənə rəhm edəcəyəm». Bunu səni Satınalan, Rəbb deyir.

YEŞAYA 54:8

Mənim qəlbim, niyə qırılmısan? Axı niyə bu köksümdə təlaşlanırsan? Ümidini yenə Allaha bağla, Qoy Allahıma – məni qurtarana şükür edim.

ZƏBUR 43:5

Hər tərəfdən əziyyət çəkirik, amma əzilmirik. Çaşqınlıq içindəyik, lakin çarəsiz deyilik. Təqib olunuruq, amma tərk edilmirik. Yıxıdılırıq, amma yox olmuruq.

2 KORİNFLİLƏRƏ 4:8-9