23 oktyabr 2023, bazar ertəsi

Salehin az malı Pislərin bütün sərvətlərindən yaxşıdır.

ZƏBUR 37:16

Rəbb qorxusu ilə qazanılan az şey Qayğı ilə yığılan böyük xəzinədən yaxşıdır.

SÜLEYMANIN MƏSƏLLƏRİ 15:16

Əlindəki ilə kifayətlənərək mömin olmaqsa böyük qazanc mənbəyidir.

1 TİMOTEYƏ 6:6

Yeməyimiz və paltarımız varsa, bunlarla kifayətlənirik.

1 TİMOTEYƏ 6:8

Saxta, yalan sözlər qoy məndən uzaq olsun; Məni nə yoxsul, nə də zəngin et, Ancaq mənə gündəlik çörəyimi ver. Varlansam, «Rəbb kimdir?» deyə Sənə küfr edərəm, Yoxsul olsam, oğurlaram və Allahımın adını ləkələrəm.

SÜLEYMANIN MƏSƏLLƏRİ 30:8-9

Gündəlik çörəyimizi bizə bu gün ver.

MATTA 6:11

Buna görə sizə deyirəm: “Nə yeyəcəyik?” və ya “Nə içəcəyik?” deyə canınız üçün, “Nə geyinəcəyik?” deyə bədəniniz üçün qayğı çəkməyin. Can yeməkdən, bədən isə geyinməkdən daha vacib deyilmi?

MATTA 6:25

Sonra şagirdlərə dedi: «Mən sizi kisəsiz, torbasız və çarıqsız göndərəndə bir şeydə korluq çəkmisinizmi?» Onlar cavab verdilər: «Heç bir şeydə».

LUKA 22:35

Həyatınız pulpərəstlikdən azad olsun, nəyiniz varsa, ona qane olun. Çünki Allah Özü demişdir: «Səni heç vaxt atmaram, səni heç vaxt tərk etmərəm».

İBRANİLƏRƏ 13:5