10 iyul 2024, çərşənbə

Kaş ki ürəkləri dönməsin, Məndən qorxsunlar və bütün əmrlərimə əməl etsinlər. O zaman həm özlərinin, həm də övladlarının xoş güzəranı olar.

QANUNUN TƏKRARI 5:29

Bu işdə sənin nə haqqın var, nə payın. Çünki Allahın qarşısında ürəyin düz deyil.

HƏVARİLƏRİN İŞLƏRİ 8:21

Çünki cismani təbiətə uyan fikirlər Allaha qarşı düşmənçilik edir; belə ki bunlar Allahın qanununa tabe deyil və ola da bilməz. Həmçinin cismani təbiətdə olanlar Allahı razı sala bilməz.

ROMALILARA 8:7-8

Bu, gözlədiyimizdən də artıq oldu, çünki onlar özlərini əvvəlcə Rəbbə, sonra Allahın iradəsi ilə bizə həsr etdilər.

2 KORİNFLİLƏRƏ 8:5

O öz Allahını axtararaq Allahın məbədinin xidmətində, qanuna və əmrlərə əməl etməkdə başladığı hər işi bütün qəlbi ilə icra etdi və uğur qazandı.

İKİNCİ SALNAMƏLƏR 31:21

Hər şeydən əvvəl öz ürəyini qoru, Çünki həyat çeşməsi odur.

SÜLEYMANIN MƏSƏLLƏRİ 4:23

Gördüyünüz hər işi insanlar üçün deyil, Rəbb üçün edən kimi can-dildən edin.

KOLOSSELİLƏRƏ 3:23

Bunu yalnız insanları razı salmaq üçün gözə xoş görünən xidmətlə deyil, Məsihin qulları kimi can-dildən Allahın iradəsini yerinə yetirmək üçün edin. İnsanlara deyil, Rəbbə qulluq etdiyiniz kimi ürəkdən qulluq edin.

EFESLİLƏRƏ 6:6-7

Qəlbimin düşüncəsini genişləndirərkən Əmrlərinin yolu ilə getməyə səy göstərəcəyəm.

ZƏBUR 119:32