17 avqust 2024, şənbə

Bizə öyrət nə qədər ömrümüz var, Qoy qəlbimiz hikmətli olsun.

ZƏBUR 90:12

İnsana bütün dünyanı qazanıb canını itirməyinin nə xeyri var?

MARK 8:36

Rəbb nəfəsini üzərinə üfürəndə Ot quruyar, çiçək solar, Həqiqətən, bu xalq ota oxşar. Ot quruyar, çiçək solar, Amma Allahımızın sözü əbədi qalar».

YEŞAYA 40:7-8

Dünya və ondakı ehtiraslar keçib-gedir, amma Allahın iradəsinə əməl edən əbədi qalır.

1 YƏHYA 2:17

Çünki O deyir: «Münasib vaxtda səni eşitdim, Xilas günü sənə kömək etdim». Budur, indi münasib vaxt, budur, indi xilas günü.

2 KORİNFLİLƏRƏ 6:2

bu dünyanın işlərindən faydalananlar bu işlərdən uzaq olanlar kimi olsun. Çünki bu dünyanın indiki vəziyyəti keçib-gedir.

1 KORİNFLİLƏRƏ 7:31

Bir-birimizi məhəbbətə və xeyirxah əməllər etmək üçün necə həvəsləndirmək haqqında fikirləşək. Bəzi adamların vərdiş etdiyi kimi birgə yığışmağımızı tərk etməyək. Lakin qiyamət gününün yaxınlaşdığını gördükcə bir-birimizi daha çox ruhlandıraq.

İBRANİLƏRƏ 10:24-25