16 avqust 2024, cümə

Laodikeyada olan cəmiyyətin mələyinə yaz: Amin Olan, sadiq və etibarlı Şahid, Allahın yaratdıqlarının Mənşəyi belə deyir:

VƏHY 3:14

Bədənin, yəni imanlılar cəmiyyətinin Başı da Odur. Hər şeydə birinci olsun deyə başlanğıc olan, ölülər arasından dirilərək ilk doğulan Odur.

KOLOSSELİLƏRƏ 1:18

Rəbb Öz yolunun başlanğıcında, Hər işindən əvvəl mənə malik oldu. Yaradılışın əzəlindən, Dünya yaranmazdan əvvəl mən var idim.

SÜLEYMANIN MƏSƏLLƏRİ 8:22-23

Göyləri yaradanda, Dərinliyin üzü üstündə bir dairə çəkəndə, Buludları yuxarıda yerləşdirəndə, Dərinlikdə bulaqları bağlayanda, Sular əmrindən çıxmasın deyə dənizə sədd çəkəndə, Yerin bünövrələrini təyin edəndə Rəbbin yanında memar idim. Hər gün fərəhlənirdim, Hüzurunda həmişə sevinirdim.

SÜLEYMANIN MƏSƏLLƏRİ 8:27-30

Əzəldən bəri Mən Oyam, Mənim əlimdən qurtaran yoxdur. Mən bir şey edəndə buna kim mane ola bilər?»

YEŞAYA 43:13

Kəsilmiş Quzunun həyat kitabına dünya yaranandan bəri adı yazılanlardan savayı, yer üzündə yaşayanların hamısı ona səcdə edəcək.

VƏHY 13:8

Gözümüzü imanımızın Banisi və Kamilləşdiricisi olan İsaya dikək. O, qarşısına qoyulan sevincə görə rüsvayçılığı heç sayıb çarmıxa çəkilməyə tab gətirdi və Allahın taxtının sağında oturdu.

İBRANİLƏRƏ 12:2