3 noyabr 2024, bazar

Dinlə, ey İsrail! Allahımız Rəbb yeganə Rəbdir.

QANUNUN TƏKRARI 6:4

Mən və Ata birik».

YƏHYA 10:30

Amma bu işləri görürəmsə, Mənə inanmasanız da, bunlara inanın. Onda Atanın Məndə, Mənim də Atada olduğumu anlayıb bilərsiniz».

YƏHYA 10:38

Onda İsadan soruşdular: «Atan haradadır?» İsa cavab verdi: «Siz nə Məni, nə də Atamı tanıyırsınız. Əgər Məni tanısaydınız, Atamı da tanıyardınız».

YƏHYA 8:19

Filip Ona dedi: «Ya Rəbb, Atanı bizə göstər, bu bizim üçün kifayətdir». İsa ona dedi: «Xeyli müddətdir ki, Mən sizinləyəm, Məni tanımadınmı, Filip? Məni görən, Atanı görmüş olur. Bəs sən niyə “Atanı bizə göstər” deyirsən?

YƏHYA 14:8-9

Yenə də deyir: «Mən Ona güvənəcəyəm» və yenə «Budur, Mən və Allahın Mənə verdiyi övladlar».

İBRANİLƏRƏ 2:13

O çəkdiyi iztirablarının bəhrəsini görüb qane olacaq, Mənim saleh qulum öz biliyi ilə çoxlarına bəraət qazandıracaq, Onların şər əməllərinin yükünü üzərinə götürəcək.

YEŞAYA 53:11

Var olan, Var olmuş və Gəlməli olan Külli-İxtiyar Rəbb Allah deyir: «Alfa və Omeqa Mənəm!»

VƏHY 1:8

İsa onlara dedi: «Doğrusunu, doğrusunu sizə deyirəm: İbrahim olmazdan qabaq Var Olan Mənəm».

YƏHYA 8:58

Allah Musaya dedi: «Var Olan Mənəm». Sonra dedi: «İsrail övladlarına belə söylə: “‹Mənəm› deyən sizin yanınıza məni göndərdi”».

ÇIXIŞ 3:14

Amma Oğul haqqında bunu deyir: «Ey Allah, taxtın əbədilik, sonsuzadək qalır, Sənin şahlıq əsan insaf əsasıdır.

İBRANİLƏRƏ 1:8

Hər şeydən əvvəl var olan Odur və hər şey Onda bərqərar olur.

KOLOSSELİLƏRƏ 1:17

Çünki Allahın tam bütövlüyü bədəncə Məsihdə yaşayır.

KOLOSSELİLƏRƏ 2:9