31 oktyabr 2024, cümə axşamı

Səndən qorxanlara verdiyin vədini Qulun üçün həyata keçirt.

ZƏBUR 119:38

Məni təhqir edənlərə layiqincə cavab verəcəyəm, Çünki Sənin sözlərinə güvənirəm.

ZƏBUR 119:42

Sən quluna verdiyin sözü xatırla, Bu sözünlə mənə ümid vermisən.

ZƏBUR 119:49

Sənin qaydalarını bu qürbət eldə İlahi tək oxuyuram.

ZƏBUR 119:54

Ağzından çıxan qanun mənim üçün Minlərlə qızıldan, gümüşdən daha qiymətlidir.

ZƏBUR 119:72

Ya Rəbb, sözün əbədidir, Göylərdədir, dəyişməzdir. Sədaqətin nəsildən-nəslə çatır, Yer üzünü Sən qurmusan, möhkəm qalır.

ZƏBUR 119:89-90

Eləcə də Allah vədin varislərinə iradəsinin dəyişməzliyini daha açıq-aşkar etmək istəyərək Öz vədini andla təsdiqlədi. Belə ki qarşımıza qoyulan ümidə bağlanmaq üçün Allaha sığınan bizlər Allahın bunlarda yalan danışması qeyri-mümkün olduğuna görə iki dəyişilməz şeydə – Onun vəd və andında böyük təsəlliyə malik olaq. Can lövbərimiz kimi möhkəm və sarsılmaz olan bu ümid məbədin pərdəsinin arxasındakı iç otağa daxil olur. İsa ilk olaraq bizim uğrumuzda oraya daxil oldu; O, Melkisedeq vəzifəli əbədi Baş Kahin olmuşdu.

İBRANİLƏRƏ 6:17-20

Beləliklə, O bizə çox böyük və dəyərli vədlər verdi ki, bunlar vasitəsilə ehtirasın nəticəsi olan dünyadakı pozğunluqdan qaçıb ilahi təbiətə şərik olasınız.

2 PETER 1:4