İndi Davudun vəziyyətində düzgün qaydaya riayət olunmasının xoş təsirini görək. Düzgün qaydanı harada tapacağınızı bilmək istəyirsinizsə, Çıxış 25:13–15-i oxuyun. Sandıq yalnız bu şəkildə daşınmalı idi. Allah bunu kifayət qədər aydın yazmışdı. Lakin Davud Müqəddəs Kitabını diqqətsiz oxumuşdu. Davudun yeni arabası istifadəyə veriləndə büdrəmə, ölüm, narazılıq və məyusluq özünü göstərdi; sevinc, şadlıq və ibadət isə yoxluğu ilə diqqət çəkirdi. Düzgün qaydaya riayət edildikdə bütün bunlar əksinə çevrilir: “ucadan sevinclə səs qaldırmaq” (16-cı ayə) eşidildi.
Yalnız kahinlər şeypur çala bilərdilər. Yığıncağı bir yerə toplayan siqnalı vermək üçün bir kahin lazımdır (Saylar 10). Bəs qapıçılar kimlər idi? Onlar sandığa mümkün olan ən böyük qayğını göstərirdilər. Və əlbəttə ki, ibadət üçün toplanmış yığıncağın qaydası, Müjdənin şahidliyi, Allah Kəlamının xidməti və bu gün Onun yığıncağına qəbul ilə əlaqədar olaraq, burada qapıçıların ruhuna sahib olmaq böyük əhəmiyyət kəsb edir. Biz Məsihə və Onun maraqlarına aid hər şeyə çox diqqətli olmalıyıq.
Bu, itaətin qəti nəticəsidir. “Rəbbin əhd sandığını daşıyan levililərə Allah kömək etdi” (1 Saln. 15:26). Allahın levililərə necə diqqət yetirdiyini müşahidə edin, işlər Onun istəyinə uyğun olanda – onlara kömək edilir, sonra isə qurbanlarda Allahın hüzuruna yüksələn ibadəti görürsünüz. Əgər sən və mən Rəbbin Kəlamına həqiqətən itaət etməyə qərar versək, nəyin bahasına olursa olsun, biz də Allahın bizə kömək edəcəyini, ruhumuzda sevinc və ibadət olacağını, Allaha doğru səmərəli xidmət edəcəyimizi görəcəyik.
