Aşağıdakı mətn Çin, Hindistan və Afrikada Rəbbə xidmət etmiş ingilis misyoner Çarlz Studd (1860 - 1931) tərəfindən yazılmışdır. Düşüncələrdən müəyyən ehtiyatla və bir qədər yumorla zövq alınmalıdır. Buna baxmayaraq, Allah onları qəlbimizə toxunmaq üçün istifadə edə bilər:
DANIEL başqa bir qəhrəman idi. Əlbəttə ki, elə idi! O, Allahın çox sevdiyi və bunu ona bildirmək üçün bir mələk göndərdiyi adam deyilmiydi?
Onu aslanlar çuxuruna doğru möhkəm addımlarla və parlayan üzlə getdiyini seyr etməyi sevirəm, yalnız bir dəfə dayanır — Qolqotaya gedən Ustadı kimi — ağlayan və əzab çəkən imperatorunu təsəlli etmək üçün. Allah aslanların ağzını Danielə qarşı bağladı, lakin Öz quluna qarşı ağız açanlara qarşı geniş açdı.
Bir insan əməlləri ilə tanınır və Danielin əməlləri onun üç dostu idi ki, onlar insanlara və ya qızıla baş əyməkdənsə, alovlu sobaya cəsarətlə girdilər.
Yenidən onu ziyafət zalına gedərkən görürük və onun bələdçisinin qulağına pıçıldadığını eşidirik: «Sakit ol, Daniel, dövlət xadimi kimi davran. Əgər sən taktiki və müdrik olsan — xüsusilə taktiki! — yenidən sənin üçün yer və güc olacaq!» Və Danielin sadə cavabı: «Arxamca çəkil, Şeytan!» O, orada kralın qarşısında dayanır, işgəncəyə və ya ani ölümə cəsarətlə sinə gəlir — lakin qorxan kraldır, Daniel deyil — o, krala Allahın bütün acı həqiqətini üzünə deyir, heç bir şeyi azaltmadan.C.T.S.
