Hər gün özünüzə bir növ müjdə təbliğ edirsiniz – yalan «Mən bunu edə bilmərəm» müjdəsi və ya həqiqi «Məsihdə hər şeyə sahibəm» müjdəsi. Özümü bunu təkrar-təkrar deyərkən tapıram. Bunu etdiyim zaman insanlar tez-tez gülürlər, lakin mən həqiqətən də ciddiyəm. Həyatınızda sizdən daha təsirli heç kim yoxdur, çünki heç kim sizinlə sizin qədər danışmır. Bu bir faktdır ki, siz və mən özümüzlə sonsuz bir söhbətdəyik. Bu daxili müzakirədə biz həmişə Allah, həyat, başqaları və özümüz haqqında danışırıq və özümüzə dediyimiz şeylər çox vacibdir, çünki onlar arzuladığımız, seçdiyimiz, dediyimiz və etdiyimiz şeyləri formalaşdırır.
Özünüzə nə deyirsiniz? Özünüz haqqında özünüzə nə deyirsiniz? Allah haqqında özünüzə nə deyirsiniz? Həyat, məna və məqsəd, doğru və yanlış, həqiqi və yalan, yaxşı və pis haqqında özünüzə nə deyirsiniz?
Zəbur 42-də biz bir adamın şəxsi təbliğinə qulaq asmağa dəvət olunuruq. Bəli, düz oxudunuz; bizim kimi, zəburçu da həmişə özünə bir növ müjdə təbliğ edirdi. Biz ya özümüzə təkliyin, yoxsulluğun və bacarıqsızlığın müjdəsini, ya da Allahın varlığının, gücünün və daimi təminatının həqiqi müjdəsini təbliğ edirik. Siz özünüzə qorxu və çəkingənlik yaradan bir müjdə, ya da sizi cəsarət və ümidlə irəli aparan bir müjdə təbliğ edirsiniz. Siz özünüzə uzaq, passiv və qayğısız bir Allah haqqında, ya da yaxın, qayğıkeş və aktiv bir Allah haqqında təbliğ edirsiniz. Siz həmişə özünüzə Onun hikmətində dincəlməyə səbəb olan bir müjdə, ya da heç bir cavab tapılmır kimi göründüyü üçün bir az panika yaradan bir müjdə təbliğ edirsiniz.
Bu gün, heç kimin anlamadığını hiss etdiyiniz zaman, özünüzə hansı müjdəni təbliğ edəcəksiniz?
Həqiqətən də doğrudur – heç kim sizinlə sizin qədər danışmır. Buna görə də Allah Öz lütfü ilə sizə Öz Kəlamını vermişdir ki, sizinlə danışan yeganə şəxs siz olduğunuz anlarda özünüzə həqiqəti təbliğ edəsiniz. « New Morning Mercies » kitabından götürülmüşdür, Paul David Tripptərəfindən, Müəllif hüquqları © 2014. Crossway, Good News Publishers-in nəşriyyat xidməti, Wheaton, IL 60187, www.crossway.org icazəsi ilə istifadə edilmişdir.
