Bir çox xristianın özünə verdiyi çox vacib bir sual budur: Müqəddəs Ruhu necə əldə etmək olar? Bunun üçün çox dua etmək lazımdırmı? Bunun üçün çalışmaq lazımdırmı? Yoxsa kimdənsə əllərini üzərinizə qoymasını istəmək lazımdırmı? Bu necə işləyir?
Allahın Kəlamı bu vacib suala aydın cavab verir.
Efeslilərə 1:13-də Məsihlə əlaqədar deyilir:
«Siz həqiqət sözünü, qurtuluşunuzun müjdəsini eşitdiyiniz və Ona inandığınız zaman, vəd edilmiş Müqəddəs Ruhla möhürləndiniz.» (Efeslilərə 1:13) Burada Pavel çox aydın şəkildə bildirir ki, biz müjdəyə – Məsihin bizim günahlarımız üçün çarmıxda bizim əvəzimizə öldüyünə inandığımız zaman – Müqəddəs Ruhla möhürlənirik.
Müqəddəs Ruhla Allah, belə demək olarsa, qurtuluşumuza möhürünü vurur və deyir: «Siz indi Mənə aidsiniz – və sübut olaraq sizə Müqəddəs Ruhu verirəm – qurtuluş gününə qədər,» Pavel Efeslilərə 4:30-da yazdığı kimi. Müjdəyə imanla Müqəddəs Ruhu qəbul edirsiniz. Bu, Allahın vədidir! İçimizdə yaşayan, bizi təsəlli edən və bizi dəfələrlə izzətdəki Məsihə yönəldən ilahi bir şəxsə sahib olmaq nə böyük lütfdür!
