Fəal bir iş adamı və kilsə rəhbəri qəfil ağır xəstəliklə xəstəxanaya yerləşdirildi. Bu xəstəlikdən əvvəl o, heç vaxt Allahla münasibəti və ya öldükdə hara gedəcəyi barədə düşünməmişdi. Amma indi xəstəxanada qalması ona düşünmək üçün vaxt verdi və o, narahat idi.
Bir Dostdan Bir Söz
Ziyarət saatlarında köhnə bir dostu gəldi. Ölüm mövzusu açıldıqda, o dedi: “Sənin kimi, mən də bir müddət əvvəl ölümün astanasında idim. Amma Allahla görüşmək fikri məni qorxutmadı, çünki mən artıq cənnətə yeganə bilet olaraq İsanın qiymətli qanına etibar etməyə qərar vermişdim.”
Xəstə adam özünü qaldırıb dedi: “Son vaxtlar ölüm haqqında çox düşünürəm. Cənnətə gedəcəyimə əmin olmaq üçün kifayət qədər dindar olduğumu düşünmürəm. Əgər əmin ola bilsəydim, bütün pulumu verərdim.”
Ziyarətçisi cavab verdi: “Qoy bir şeyi sənə aydınlaşdırım. Dindar olmaq cənnətə bilet deyil. Din heç kimə Allahla sülh və ya cənnətə əminlik verməyib. Bunu yalnız İsa Məsihin qanı edə bilər.”
Xəstə adam çaşqın idi. O, həmişə dinin insanın bu dünyada edə biləcəyi ən yaxşı şey olduğunu və “dönüşüm,” “xilas,” “yenidən doğulmaq” və “qanla təmizlənmək” kimi sözlərin sadəcə “din” üçün başqa sözlər olduğunu düşünmüşdü.
Allahdan Bir Söz
Dostu onun çaşqın və narahat olduğunu görəndə, ona Müqəddəs Kitabdan, Rəbbin Musaya Misir torpağında dediklərini oxudu: “Hər kəs özünə bir quzu götürsün… və onu kəssin… Və qanından bir az götürüb evlərin iki qapı dirəyinə və qapı üstünə çəksinlər… Çünki mən o gecə Misir torpağından keçəcəyəm və Misir torpağındakı bütün ilk doğulanları, həm insanı, həm də heyvanı vuracağam; və Misirin bütün tanrılarına qarşı hökm icra edəcəyəm: Mən RƏBBəm. İndi qan sizin olduğunuz evlərdə sizin üçün bir əlamət olacaq. Və mən qanı görəndə, sizin üzərinizdən keçəcəyəm” (Çıxış 12:3-13).
“Onların etibar etdiyi və qapı dirəklərinə çəkdiyi tökülmüş qan idi ki, o gecə evdəki hər kəsi xilas etdi. Bütün digərləri, nə qədər yaxşı olsalar da, məhvə məhkum idilər.”
Xəstə adam qəfil oturdu və qışqırdı: “İndi başa düşürəm! Hər şey qandadır! Bütün bu illər öz yaxşı əməllərimə etibar etdim. Amma indi görürəm ki, dindar olmaq kömək etməyəcək. Cənnətə yeganə biletim Məsihin qanına etibar etməkdir.”
Sizin Üçün Bir Söz
Bir çoxları dinin xilas etdiyini düşünür. Bir çoxları cənnətə düşmək üçün öz yaxşı əməllərinə etibar edir. Amma Allah açıq şəkildə bəyan edir ki, yalnız “Oğlu İsa Məsihin qanı bizi bütün günahlardan təmizləyir” (1 Yəhya 1:7); və “qan tökülmədən bağışlanma (əfv) yoxdur” (İbranilərə 9:22).
Bu gün cənnətə biletiniz olaraq İsa Məsihin qanına etibar etməyəcəksinizmi?
