14 fevral 2026, şənbə

Ey Allahım, Sənin iradəni yerinə yetirmək Mənə zövq verir, Qanunun qəlbimdədir».

Zəbur 40:8

Sanmayın ki, Mən Qanun və Peyğəmbərlərin sözlərini ləğv etmək üçün gəldim. Mən onları ləğv etmək üçün yox, yerinə yetirmək üçün gəldim. Sizə doğrusunu deyirəm: göy və yer keçib getmədən, hər şey icra olmadan Qanundan ən kiçik bir hərf və ya bir nöqtə belə, yox olmayacaq.

Matta 5:17–18

Rəbb Öz salehliyi naminə Qanununu ucaldıb izzətləndirməkdən xoşlandı.

Yeşaya 42:21

Sizə bunu deyirəm: əgər sizin salehliyiniz ilahiyyatçılarla fariseylərin salehliyindən artıq olmasa, Səmavi Padşahlığa əsla girə bilməzsiniz.

Matta 5:20

Beləcə cismani təbiət üzündən gücsüz olan Qanunun edə bilmədiyini Allah etdi: Öz Oğlunu günahlı cismin bənzərində günah qurbanı olaraq göndərib günahı Onun cismi ilə məhkum etdi ki, Qanunun ədalətli tələbləri artıq cismani təbiətə görə yox, Ruha görə həyat sürən bizlərdə yerinə yetsin.

Romalilara 8:3–4

Məsih Qanunun sonu olub ki, iman gətirən hər kəs saleh sayılsın.

Romalilara 10:4

Göylərdə Səndən başqa kimim var? Yer üzündə də Səndən başqa heç nə istəmirəm. Cismim və ürəyim taqətdən düşsə belə, Daim, ey Allah, qəlbimin qüvvəti, nəsibimsən.

Zəbur 73:25–26

Ya Rəbb, mənim qismətimsən, kasama düşən paysan, Püşkümə düşən Səndən asılıdır. Qismətimə gözəl yerlər düşdü, Bəli, mənə nemət nəsib oldu.

Zəbur 16:5–6

Öz-özümə deyirəm: «Rəbb mənim nəsibimdir», Ona görə Rəbbə ümid bəsləyirəm.

Mərsi̇yələr 3:24

Əbədilik Sənin göstərişlərinə malikəm, Çünki onlar qəlbimə sevinc verir.

Zəbur 119:111

Ey Allah, mənim Allahım Sənsən, Sənin üçün yaman qəribsəmişəm. Quraq, cansıxıcı, susuz bir diyarda Sənsiz könlüm susuzdur. Bütün varlığımla həsrətini çəkirəm.

Zəbur 63:1

Sən mənə kömək oldun, Qanadlarının kölgəsində Sənə mədh oxuyacağam.

Zəbur 63:7

Sevgilim mənimdir, mən də onunam, O, sürüsünü zanbaqlıq içərisində otarır.

Nəğmələr Nəğməsi̇ 2:16