16 aprel 2026, cümə axşamı

Dərin bataqlığa batmaqdayam, Ayaq üstə durmağa yer yoxdur. Dərin sulara qərq olmuşam, Sellər məni aparır.

Zəbur 69:2

Sular başımdan aşdı, Dedim: «Ömrüm sona çatdı». Ya Rəbb, ismini O quyunun dibindən səslədim. «Qulağını tıxama, fəryadımı dinlə» deyərkən Səsimi eşitdin. Səni çağıranda yanıma gəldin, Mənə «qorxma» söylədin.

Mərsi̇yələr 3:54–57

«Xudavənd məni əbədilikmi tərk edib? Bir daha məndən razı qalmayacaqmı? Məhəbbəti həmişəlik qurtardımı? Vədi nəsildən-nəslə qədər sona çatdımı? Allah rəhm etməyi unudubmu, Mərhəmətinin yerini qəzəb tutdumu?» Sela Dedim: «Bu mənim üçün bəladır, Haqq-Taala daha gücünü göstərmir». Ya Rəbb, Sənin əməllərini yada salıram, Bəli, xatırlayıram, ta qədimdən xariqələr göstərmisən.

Zəbur 77:7–11

Rəbbin xeyirxahlığını dirilər arasında görəcəyəm, Buna şübhəm yoxdur.

Zəbur 27:13

Həmin gecə Allah Süleymana görünüb ona dedi: «Nə istəyirsən, sənə verim?» Süleyman Allaha dedi: «Sən atam Davuda böyük xeyirxahlıq göstərdin və onun yerinə məni padşah etdin.

İki̇nci̇ Salnamələr 1:7–8

İndi mənə hikmət və bilik ver ki, bu xalqa nə edib-etməyəcəyimi bilim, çünki bu qədər böyük olan bu xalqına kim hökm edə bilər?»

İki̇nci̇ Salnamələr 1:10

Allah Süleymana dəniz sahilindəki qum qədər bol hikmət, dərrakə və ürək genişliyi verdi.

Bi̇ri̇nci̇ Padşahlar 4:29

Asa Allahı Rəbbi çağırıb dedi: «Ya Rəbb, güclülər arasında gücsüzəm, yardım edəcək Səndən başqası yoxdur. Ya Rəbb Allahımız, bizə yardım et, çünki Sən bizim dayağımızsan və Sənin isminlə bu qoşunun üstünə gəlmişik. Ya Rəbb, Allahımız Sənsən, qoy insan Sənə üstün gəlməsin». Asanın və Yəhudalıların önündə Rəbb Kuşluları qırdı və Kuşlular qaçdı.

İki̇nci̇ Salnamələr 14:11–12

Ey duaları eşidən, Bütün bəşər hüzuruna gələcək.

Zəbur 65:2