17 aprel 2026, cümə

Qoy aranızda Məsihin kəlamı bütün zənginliyi ilə yaşasın. Bir-birinizə tam müdrikliklə təlim və nəsihət verin, məzmurlar, ilahilər və ruhani nəğmələr söyləyib ürəklərinizdə Allaha minnətdar ola-ola nəğmə oxuyun. Dediyiniz və etdiyiniz hər şeyi Rəbb İsanın adı ilə edin, Onun vasitəsilə Ata Allaha şükür edin.

Kolosseli̇lərə 3:16–17

çox baha qiymətə satın alınmısınız. Beləliklə, bədəninizlə Allaha izzət gətirin.

1 Kori̇nfli̇lərə 6:20

Amma siz seçilmiş nəsil, Padşahın kahin dəstəsi, müqəddəs millət, Allaha məxsus olan xalqsınız. Sizi qaranlıqdan Öz heyrətamiz nuruna çağıran Allahın çox gözəl işlərini elan etmək üçün seçilmisiniz.

1 Peter 2:9

özünüz də diri daşlar kimi hörülün ki, ruhani ev qurulsun. Orada müqəddəs kahin dəstəsi olasınız və İsa Məsih vasitəsilə Allaha məqbul olan ruhani qurbanlar təqdim edəsiniz.

1 Peter 2:5

Onda İsa vasitəsilə həmişə Allaha həmd qurbanını, yəni Onun adını iqrar edənlərin dilinin bəhrəsi olan sözləri təqdim edək.

İbrani̇lərə 13:15

Rəblə könlüm fəxr edir, Ey məzlumlar, eşidib sevinin! Gəlin mənimlə birgə Rəbbi müqəddəs tutaq, Rəbbin ismini birgə ucaldaq.

Zəbur 34:2–3

Rəbb uzaqdan mənə görünüb dedi: «Səni əbədi bir məhəbbətlə sevdim, Buna görə də sevgi ilə Səni Özümə tərəf çəkdim.

Yeremya 31:3

Onları insani tellərlə, Sevgi bağları ilə Özümə çəkdim. Onlar üçün çənələrindən boyunduruğu qaldıran Bir kəs oldum, Əyilib onlara yemək verdim.

Huşə 11:4

Mən yerdən yuxarı qaldırılsam, bütün insanları Özümə cəzb edəcəyəm».

Yəhya 12:32

İsa yoldan keçərkən Yəhya Ona baxıb dedi: «Allah Quzusu budur!»

Yəhya 1:36

Musa çöldə ilanı yuxarı qaldırdığı kimi Bəşər Oğlu da yuxarı qaldırılmalıdır ki, Ona iman edən hər kəs əbədi həyata malik olsun».

Yəhya 3:14–15

Göylərdə Səndən başqa kimim var? Yer üzündə də Səndən başqa heç nə istəmirəm.

Zəbur 73:25

Biz sevirik, çünki öncə O bizi sevdi.

1 Yəhya 4:19

Mənə belə dedi sevgilim: «Dur gəl, yarım, gözəlim. Budur, artıq qış keçib, Yağıntılar kəsilib. Hər yanda güllər bitib, Nəğmə oxumağın zamanı yetib, Qumrunun səsi torpağı bürüyüb. Əncir yaşıl bar gətirib, Üzüm çiçəklənib ətrini saçır. Dur gəl, yarım, gözəlim!»

Nəğmələr Nəğməsi̇ 2:10–13