27 sentyabr 2025, şənbə

Rəbb qəlbi təkəbbürlülərdən ikrah edər, Doğrudan da, onlar cəzasız qalmaz.

SÜLEYMANIN MƏSƏLLƏRİ 16:5

Yenə də, ya Rəbb, Sənsən Atamız: Biz gilik, Sən isə dulusçu, Biz hamımız Sənin əlinin işiyik. Ya Rəbb, çox qəzəblənmə, Şər əməllərimizi heç vaxt xatırlama, Hamımız Sənin xalqınıq, bunu nəzərə al.

YEŞAYA 64:8-9

Bəli, Mən Efrayimin nalələrini eşitdim: «Sən məni Öyrədilməmiş dana kimi tərbiyələndirdin, Mən də tərbiyə aldım. Məni geri qaytar, qayıdım, Çünki Allahım Rəbb Sənsən. Mən yolumdan azdıqdan sonra tövbə etdim, Ağlım başıma gələndə əllərimi yanıma çırpdım. Cavanlığımda etdiyim eyib işlərdən Utandım, rüsvay oldum.

YEREMYA 31:18-19

Yaxşı olar ki, insan Boyunduruğunu gənc yaşından daşısın.

MƏRSİYƏLƏR 3:27

Axı torpaqdan bəla gəlməz, Əzab yerdən bitməz. Sanki havaya atılan qığılcımdır, İnsan əzab çəkmək üçün doğulur.

ƏYYUB 5:6-7