31 mart 2024, bazar

Mühakimə bundan ibarətdir ki, dünyaya nur gəldi, amma insanlar qaranlığı nurdan daha çox sevdilər, çünki əməlləri şər idi.

YƏHYA 3:19

Axı hamınız nur və gündüz övladlarısınız. Biz nə gecənin, nə də qaranlığın övladlarıyıq.

1 SALONİKLİLƏRƏ 5:5

Amma qardaşına nifrət edən qaranlıqdadır. O, qaranlıqda gəzir və hara getdiyini bilmir, çünki qaranlıq onun gözlərini kor edib.

1 YƏHYA 2:11

Sözün addımıma çıraqdır, Yollarıma işıqdır.

ZƏBUR 119:105

Özün bizimlə bağladığın əhdə bax! Zorakılıq yuvaları ölkənin hər zülmət yerinə dolub.

ZƏBUR 74:20

Ey sevimlilər, bir-birimizi sevək, çünki məhəbbət Allahdandır. Sevən hər kəs də Allahdan doğulub və Allahı tanıyır. Sevməyən kəs Allahı tanımır, çünki Allah məhəbbətdir.

1 YƏHYA 4:7-8

Pislərinsə yolu zülmətdir, Onlar nəyə görə büdrədiklərini bilməzlər.

SÜLEYMANIN MƏSƏLLƏRİ 4:19

Salehlərin yolu isə dan yeri tək şəfəq saçar, Nurunu artıraraq gündüzə qovuşar.

SÜLEYMANIN MƏSƏLLƏRİ 4:18

Mən dünyaya nur olub gəldim ki, Mənə iman edən hər kəs qaranlıqda qalmasın.

YƏHYA 12:46

Siz də bir zamanlar zülmət idiniz, indi isə Rəbdə nursunuz. Ona görə də nur övladları kimi həyat sürün.

EFESLİLƏRƏ 5:8