28 iyun 2024, cümə

Buna görə də necə dinlədiyinizə diqqət edin. Çünki kimin varıdırsa, ona daha çox veriləcək. Amma kimin yoxudursa, özününkü zənn etdiyi şey də əlindən alınacaq».

LUKA 8:18

Qoy aranızda Məsihin kəlamı bütün zənginliyi ilə yaşasın. Bir-birinizə tam müdrikliklə təlim və nəsihət verin, məzmurlar, ilahilər və ruhani nəğmələr söyləyib ürəklərinizdə Allaha minnətdar ola-ola nəğmə oxuyun.

KOLOSSELİLƏRƏ 3:16

Bütün bunlara əlavə olaraq şər olanın bütün yanar oxlarını söndürə bilmək üçün iman qalxanını əlinizə götürün.

EFESLİLƏRƏ 6:16

Ya Rəbb, xilasına ümid bəsləmişəm, Əmrlərinə əməl etmişəm.

ZƏBUR 119:166

Vədlərin damağıma necə də ləzzət verir! Onlar dilimdə baldan şirindir. Qayda-qanunlarına görə dərrakəliyəm, Buna görə hər yanlış yola nifrət edirəm. Sözün addımıma çıraqdır, Yollarıma işıqdır.

ZƏBUR 119:103-105

Bütün müəllimlərimdən daha aqil olmuşam, Çünki göstərişlərin üzərində dərindən düşünürəm.

ZƏBUR 119:99

Buna heyrətlənmək lazım deyil, çünki Şeytan da işıq mələyi cildinə girir.

2 KORİNFLİLƏRƏ 11:14

Amma istər biz, istərsə göydən gələn bir mələk belə, bizim sizə yaydığımız Müjdəyə zidd bir şeyi müjdə kimi yaysa, ona lənət olsun!

QALATİYALILARA 1:8