28 iyul 2024, bazar

O belə dedi: «Abba – Ata, Sənin üçün hər şey mümkündür. Bu kasanı Məndən uzaqlaşdır. Amma Mənim yox, Sənin iradən olsun».

MARK 14:36

Aldığım vəhylərin üstünlüyü ilə qürurlanmayım deyə cismim üçün bir tikan, yəni mənə əzab vermək üçün Şeytanın bir elçisi göndərildi ki, qürurlanmayım. Bunun məndən uzaq olması üçün üç dəfə Rəbbə yalvardım. Amma O mənə dedi: «Lütfüm sənə kifayətdir, çünki zəiflik olanda qüvvə tam olur». Məsihin qüvvəsi məndə məskən salsın deyə zəifliklərimlə daha çox sevinə-sevinə öyünəcəyəm.

2 KORİNFLİLƏRƏ 12:7-9

Hüzuruna şikayətimi tökürəm, Qarşısında əziyyətimi söyləyirəm.

ZƏBUR 142:2

Onlar Şiloda yeyib-içəndən sonra Xanna ayağa qalxdı. Kahin Eli Rəbbin məbədinin qapısının yanındakı kürsüdə oturmuşdu. Xanna ürək yanğısı ilə dua edərək acı-acı ağlayırdı. Rəbbə yalvararaq əhdini belə söylədi: «Ey Ordular Rəbbi, Öz dərdli bəndənin vəziyyətini görürsən. Mən bəndəni unutmayıb bir oğul versən, oğlumun həyatını Sənə həsr etmək üçün verər və qoymaram ki, onun başına ülgüc dəysin».

BİRİNCİ ŞAMUEL 1:9-11

Vaxt keçdi, Xanna hamilə olub bir oğul doğdu. «Onu Rəbdən dilədim» deyərək adını Şamuel qoydu.

BİRİNCİ ŞAMUEL 1:20

Beləcə Ruh da bizə zəif olarkən kömək edir. Biz nə üçün və necə dua etmək lazım olduğunu bilmirik, lakin Ruh Özü dillə deyilməyən ahlarla vəsatətçilik edir.

ROMALILARA 8:26

Sevdiyi Yaqubun fəxri olan torpağı Bizə mülk etmək üçün seçdi. Sela

ZƏBUR 47:4